The Phnom Penh Post Search

Search form




Logo of Phnom Penh Post newspaper Phnom Penh Post - ហេតុអ្វី​អ្នក​វិទ្យាសាស្ត្រ​ទើប​នឹង​ចាប់​អារម្មណ៍​លើ​ទ្រឹស្តី​ប្រភព​ដើម​ជំងឺ​កូវីដ ១៩ ដែល​បែក​ធ្លាយ​ពី​មន្ទីរពិសោធន៍​នៅ​ចិន?

ហេតុអ្វី​អ្នក​វិទ្យាសាស្ត្រ​ទើប​នឹង​ចាប់​អារម្មណ៍​លើ​ទ្រឹស្តី​ប្រភព​ដើម​ជំងឺ​កូវីដ ១៩ ដែល​បែក​ធ្លាយ​ពី​មន្ទីរពិសោធន៍​នៅ​ចិន?

Content image - Phnom Penh Post
លោក Anthony Fauci ថ្លែង​​ក្នុងអំឡុង​​សវនាការអំពី​​កា​រប៉ា​ន់​ប្រមាណ​ថវិកាសម្រា​ប់ស្រាវជ្រាវ​ឱសថ​។ AFP

ហេតុអ្វី​អ្នក​វិទ្យាសាស្ត្រ​ទើប​នឹង​ចាប់​អារម្មណ៍​លើ​ទ្រឹស្តី​ប្រភព​ដើម​ជំងឺ​កូវីដ ១៩ ដែល​បែក​ធ្លាយ​ពី​មន្ទីរពិសោធន៍​នៅ​ចិន?

សម្មតិកម្ម​មួយ​បែក​ធ្លាយ​ចេញ​ពី​មន្ទីរពិសោធន៍​នៅ Wuhan ដែល​ថា អ្នក​ស្រាវជ្រាវ​ជាច្រើន​នៅ​មន្ទីរពិសោធន៍​នេះ បាន​ធ្លាក់​ខ្លួន​ឈឺ​កាល​ពី​ខែ​វិច្ឆិកា ឆ្នាំ ២០១៩ រហូត​ដល់​សម្រាក​ព្យាបាល​នៅ​មន្ទីរពេទ្យ។ ប៉ុន្តែ​គេ​មិន​ច្បាស់​ថា តើ​អ្នក​ស្រាវជ្រាវ​ទាំង​នោះ​ឆ្លង​ជំងឺ​កូវីដ ១៩ ឬ​យ៉ាងណា​ឡើយ​ហើយ​មន្ទីរពិសោធន៍​នេះ​ក៏​បាន​បដិសេធ​សម្មតិកម្ម​នេះ​ផង​ដែរ ​ដោយ​ហៅ​ថា ជា​ការ​កុហក។

សម្មតិកម្ម​ដែល​បែក​ធ្លាយ​ពី​ប្រភព​ដើម​នៃ​ជំងឺ​នេះ ត្រូវ​បាន​បង្ហាញ​ដោយ​ក្រុម​មន្ត្រី​រដ្ឋបាល Trump ហើយ​អ្នក​ខ្លះ ក៏​បាន​បង្កើត​ជា​សម្មតិកម្ម​ថ្មី​ផ្សេងៗ​ទៀត ហើយ​ក៏​បាន​ក្លាយ​ទៅ​ជា​ប្រធានបទ​ជជែក​វែកញែក​ដ៏​សំខាន់​មួយ។

យ៉ាង​ណា​មិញ កាល​ពី​សប្តាហ៍​មុន​អ្នក​វិទ្យាសាស្ត្រ​ឈាន​មុខ​ចំនួន ១៨ នាក់ ​បាន​ចេញ​សេចក្ដី​ថ្លែងការណ៍​មួយ​នៅ​ក្នុង​ទស្សនាវដ្តី​វិទ្យាសាស្ត្រ​សិក្សា​មួយ អំពាវនាវ​ឱ្យ​មាន​ការ​ស៊ើបអង្កេត​បន្ថែម ដើម្បី​កំណត់​ពី​ប្រភព​ដើម​នៃ​ជំងឺ​នេះ។

សេចក្ដី​ថ្លែងការណ៍​នោះ​បាន​សរសេរ​ថា៖ «ទ្រឹស្ដី​នៃ​ការ​បែកធ្លាយ​ជំងឺ​ចេញ​ពី​មន្ទីរពិសោធន៍ និង​ការ​លេច​ចេញ​នូវ​វីរុស​ចេញ​ពី​សត្វ​នេះ ​គួរ​តែ​ត្រូវ​មាន​ការ​ស៊ើបអង្កេត​បន្ថែម»។

លិខិត​នោះ មាន​ការ​អំពាវនាវ​ស្រដៀង​គ្នា​នឹង​ការ​អំពាវនាវ​ពី​អគ្គនាយក​អង្គការ​សុខភាព​ពិភព​លោក (WHO) TedrosAdhanom Ghebreyesus។ ក្នុង​អំឡុង​ពេល​សវនាការ​ព្រឹទ្ធសភា កាល​ពី​សប្តាហ៍​មុន​ស្តីពី​ការ​ឆ្លើយ​តប​របស់​សហរដ្ឋ​អាមេរិក​ចំពោះ​ជំងឺ​រាតត្បាត​នេះ លោក Anthony Fauci ប្រធាន​ទីប្រឹក្សា​វេជ្ជសាស្ត្រ​នៃ​សេតវិមាន White House អាមេរិក​បាន​និយាយ​ថា លោក​ពេញ​ចិត្ត​នឹង​ឱ្យ​មាន​ការ​ស៊ើបអង្កេត​បន្ថែម​ទៀត​អំពី​អ្វី​ដែល​បាន​កើត​ឡើង​នៅ​ក្នុង​ប្រទេស​ចិន ព្រោះ​លោក​មិន​ជឿ​ថា ជំងឺ​នេះ​កើត​ឡើង​ដោយ​ឯកឯង​ឡើយ។

យ៉ាង​ណា​មិញ ការ​លើក​ឡើង​របស់​លោក Fauci បង្ក​ឱ្យ​មាន​ការ​ខឹង​សម្បា​ពី​សំណាក់​សារព័ត៌មាន​ចិន Global Times ដែល​បាន​ចេញ​ផ្សាយ​នូវ​អត្ថបទ​មួយ ដោយ​ដាក់​ចំណង​ជើង​ថា «សីលធម៌​របស់​ឥស្សរជន​អាមេរិក កាន់​តែ​យ៉ាប់យ៉ឺន រួមទាំង​លោក Fauci ដែរ»។

និពន្ធ​នាយក​នៅ​សារព័ត៌មាន​នេះ​ គឺ​លោក Hu Xijin បាន​ចោទ​ប្រកាន់​លោក Fauci ថា «គាំទ្រ​ទ្រឹស្ដី​ភូត​កុហក​ដ៏​ធំ​មួយ​ប្រឆាំង​នឹង​ប្រទេស​ចិន» ទាក់​ទិន​នឹង​ទ្រឹស្តី​ដែល​ថា ​ជំងឺ​កូវីដ ១៩ ចេញ​ពី​មន្ទីរពិសោធន៍ ​Wuhan។ អត្ថបទ​ដាច់​ដោយ​ឡែក​មួយ​ទៀត​នៃ​សារព័ត៌មាន​ដដែល​នេះ ក៏​បាន​ហៅ​លោក​ថា ​ជា​ជន «ក្បត់​នឹង​អ្នក​វិទ្យាសាស្ត្រ​ចិន»។

ទីប្រឹក្សា​របស់​អង្គការ WHO Jamie Metzl បាន​និយាយ​ថា ទ្រឹស្ដី​បែក​ធ្លាយ​ជំងឺ​កូវីដ ១៩ ចេញ​ពី​មន្ទីរពិសោធន៍​នេះ គឺ​ធ្វើ​ឡើង​ដើម្បី​ឱ្យ​អ្នក​វិទ្យាសាស្ត្រ​បាន​សិក្សា​ឱ្យ​កាន់​តែ​ជ្រៅ​ជាង​នេះ​ក្នុង​គោល​បំណង​បង្កើត​វ៉ាក់សាំង​ការពារ​ឱ្យ​កាន់​តែ​ខ្លាំង​ប៉ុណ្ណោះ។

នៅ​ក្នុង​ការ​សិក្សា​ស៊ី​ជម្រៅ មួយ​ដែល​ធ្វើ​ឡើង​ដោយ​អង្គការ WHO ជាមួយ​រដ្ឋាភិបាល​ចិន​ដែល​បាន​ចេញ​ផ្សាយ​ក្នុង​ខែ​មីនា ​បាន​រក​ឃើញ​ប្រភព​ផ្សេងៗ​គ្នា​នៃ​ជំងឺ​នេះ ហើយ​បាន​សន្និដ្ឋាន​ថា ខណៈពេល​ដែល​វា​មិន​ទាន់​អាច​បញ្ជាក់​បាន​ថា តើ​ជំងឺ​វិវឌ្ឍ​យ៉ាង​ដូច​ម្តេច វា​ទំនង​អាច​កើត​ចេញ​ពី​សត្វ​ប្រចៀវ​រួច​ចម្លង​ទៅ​មនុស្ស​ដោយ​ផ្ទាល់។

របាយការណ៍​ដដែល​នេះ ក៏​បាន​អះអាង​ថា ទ្រឹស្តី​នៃ​ការ​បែក​ធ្លាយ​ជំងឺ​ចេញ​ពី​មន្ទីរពិសោធន៍​នៅ ​Wuhan នេះ ​គឺ​មិន​ទំនង​ទាល់​តែ​សោះ នឹង​បាន​លើក​ឡើង​ពី​ទឡ្ហីករណ៍ ​ដើម្បី​ប្រឆាំង​នឹង​ទ្រឹស្តី​នេះ​ផង​ដែរ។ របាយការណ៍​ស៊ើបការណ៍​សម្ងាត់​អាមេរិក​ឥឡូវ​នេះ បង្ហាញ​ថា កម្មករ​មន្ទីរ​ពិសោធន៍​មាន​ជំងឺ​តាំង​ពី​មុន​ខែ​ធ្នូ ឯណោះ។

យ៉ាង​ណា​មិញ មន្ត្រី​អង្គការ WHO ក៏​នៅតែ​អំពាវនាវ​ឱ្យ​មាន​ការ​ស៊ើបអង្កេត​បន្ថែម និង​ការ​បើក​ចិត្ត​ឱ្យ​ទូលាយ​ពី​សំណាក់​ប្រទេស​ចិន ​ផង​ដែរ។

ប៉ុន្តែ​ក្រុម​អ្នក​វិទ្យាសាស្ត្រ​កំពូលៗ ដែល​មាន​បទពិសោធ​ពាក់ព័ន្ធ​ស្រាវជ្រាវ​ជំងឺ​នេះ បាន​រិះគន់​របាយការណ៍​របស់​អង្គការ WHO ថា មិន​បាន​យក​ចិត្ត​ទុក​ដាក់​ទាក់ទិន​នឹង​ទ្រឹស្ដី​នេះ ​ឱ្យ​គ្រប់គ្រាន់​ដោយ​អំពាវនាវ​ឱ្យ​អង្គការ​នេះ គិតគូរ​អំពី​ទាំង​ករណី​ធម្មជាតិ និង​មន្ទីរ​ពិសោធន៍​ឱ្យ​ជាក់​ច្បាស់​ជាង​នេះ រហូត​ដល់​មាន​ទិន្នន័យ​គ្រប់គ្រាន់៕

អត្ថបទគួរចាប់អារម្មណ៍