.jpg)
នាវាចិនចូលចតនៅតំបន់ថ្មប៉ប្រះទឹក Whitsun ដែលមានចម្ងាយប្រហែល ៣២០ គីឡូម៉ែត្រនៅភាគខាងលិចនៃតំបន់ Bataraza នៅកោះ Palawan ក្នុងសមុទ្រខាងត្បូង។ AFP
កាលពីថ្ងៃសៅរ៍ ទី ២៧ រដ្ឋមន្ត្រីក្រសួងការពារជាតិហ្វីលីពីនលោក Delfin Lorenzana បាននិយាយថា ពួកគេបានបញ្ជូនយន្តហោះចម្បាំងធុនស្រាលឱ្យទៅហោះហើរលើនាវាចិនរាប់រយគ្រឿងចុះចតក្នុងដែនទឹកមានជម្លោះនៅសមុទ្រចិនខាងត្បូង។
លោក Lorenzana បាននិយាយថា យន្តហោះយោធាត្រូវបានបញ្ជូនជារៀងរាល់ថ្ងៃ ដើម្បីតាមដានស្ថានការណ៍ ហើយយោធាក៏នឹងបង្កើនវត្តមានកងទ័ពជើងទឹករបស់ខ្លួននៅសមុទ្រចិនខាងត្បូងផងដែរ ដើម្បីធ្វើ «ល្បាតអធិបតេយ្យភាព» និងការពារអ្នកនេសាទហ្វីលីពីន។
ក្រុងម៉ានីលបាននិយាយថា នាវាចិនយ៉ាងហោចណាស់ចំនួន ២០០ គ្រឿង ដែលប្រើប្រាស់ដោយកងជីវពល បានចុះចតនៅថ្មប៉ប្រះទឹកមួយក្នុងតំបន់សេដ្ឋកិច្ចផ្ដាច់មុខរបស់ពួកគេ។ ស្ថានទូតចិនប្រចាំនៅទីក្រុងម៉ានីល បាននិយាយថា នាវាចតនៅឯថ្មប៉ប្រះទឹក គឺជាទូកនេសាទដែលភៀសខ្លួនពីសមុទ្ររដុប ហើយមិនមានកងជីវពលជិះទូកទាំងនោះទេ៕
