ទីភ្នាក់ងារជនភៀសខ្លួននៃអង្គការសហប្រជាជាតិនិយាយកាលពីថ្ងៃអង្គារ ទី ២៣ មីនាថា យ៉ាងហោចណាស់មានមនុស្ស ១៥ នាក់បានស្លាប់ និងប្រមាណ ៤០០ នាក់បានបាត់ខ្លួនក្នុងអគ្គីភ័យជំរំជនភៀសខ្លួនរ៉ូហ៊ីងយ៉ានៅប្រទេសបង់ក្លាដេស។
ក្រុមមន្ត្រីបង់ក្លាដេសកំពុងស៊ើបអង្កេតរកមូលហេតុនៃអគ្គិភ័យនេះ ខណៈពេលដែលបុគ្គលិកសង្គ្រោះបន្ទាន់ និងក្រុមគ្រួសារកំពុងកាយរកជនរងគ្រោះបន្ថែមទៀត។ អគ្គិភ័យបានឆាបឆេះជំរំ Balukhaliកាលពីល្ងាចថ្ងៃចន្ទ។
លោក Mohammad Mohsin រដ្ឋលេខាធិការនៃក្រសួងគ្រប់គ្រងគ្រោះមហន្តរាយបាននិយាយថាខ្ទមប្រហែល ៤ ម៉ឺន នៅក្នុងជំរុំបានឆាបឆេះ មន្ទីរពេទ្យធំៗ ចំនួនពីររបស់អង្គការទេសន្តរប្រវេសក៍អន្តរជាតិ (IOM) និងរដ្ឋាភិបាលតួកគីក៏ត្រូវបានបំផ្លាញផងដែរ។