.jpg)
អ្នកស្ម័គ្រចិត្តអូសរទេះអ្នកជំងឺឆ្លងកូវីដ ១៩ ចូលមន្ទីរពេទ្យក្រុងឡុងដ៍កាលពីថ្ងៃទី ២៩ ខែមីនា។ រូប AFP
ក្រុងឡុងដ៍៖ មន្ត្រីសុខាភិបាលកំពូលម្នាក់បានព្រមានកាលពីថ្ងៃអាទិត្យថា ជីវិតរស់នៅក្នុងប្រទេស អង់គ្លេស ដែលបានបិទមិនឲ្យធ្វើដំណើរចេញចូល នឹងមិនអាចវិលត្រឡប់មកសភាពដើមវិញ ក្នុងរយៈពេល ៦ ខែ ឬយូរជាងនេះបន្ថែមទៀត ខណៈប្រទេសមួយនេះបានប្រយុទ្ធប្រឆាំងជាមួយការផ្ទុះឆ្លងរីករាលដាលវីរុសផ្លូវដង្ហើមកូរ៉ូណានេះ ខណៈដែលចំនួនអ្នកស្លាប់បានកើនឡើងរហូតដល់ជាង ១ ២០០ នាក់។
អនុប្រធានការិយាល័យវេជ្ជសាស្ត្រលោកស្រី ចេននី ហាររីស បានថ្លែងថា វាអាចនឹងចំណាយពេល ២ ទៅ ៣ សប្តាហ៍ ដើម្បីវាយតម្លៃផលប៉ះពាល់អំពីច្បាប់បច្ចុប្បន្ន សម្រាប់ដាក់ឲ្យប្រជាជនអង់គ្លេសស្នាក់នៅក្នុងផ្ទះ នៅគ្រប់ទីកន្លែងទាំងអស់ទៅតាមលទ្ធភាព ដើម្បីកំណត់ការឆ្លងរីករាលដាលជំងឺកូវីដ ១៩។
លោកស្រី ចេននី ហាររីស បានថ្លែងប្រាប់សន្និសីទសារព័ត៌មានប្រចាំថ្ងៃរបស់រដ្ឋាភិបាលថា៖ «ប្រសិនបើយើងទទួលជោគជ័យ យើងនឹងបានមញ្ឈប់ការឆ្លងរីករាលដាលដល់កម្រិតកំពូលឲ្យធ្លាក់ចុះ ដែលបានធ្វើប្រជាជនអង់គ្លេសសប្បាយចិត្តឡើងវិញ»។
លោកនាយករដ្ឋមន្ត្រីអង់គ្លេស បូរីស ចនសុន ធ្វើជាអធិបតីជំនួបអំពីកូវីដ ១៩ តាមវីដេអូ។AFP
«ប៉ុន្តែបន្ទាប់មក យើងមិនត្រូវធ្វើឲ្យជីវភាពរស់នៅធម្មតារបស់យើងវិលត្រឡប់មកសភាពដើមវិញនោះទេ ដែលអាចធ្វើឲ្យគ្រោះថ្នាក់យ៉ាងខ្លាំង។ បន្ទាប់មកប្រសិនបើយើងបានបញ្ឈប់វិញនោះ រាល់កិច្ចខិតខំប្រឹងប្រែងរបស់យើងទាំងអស់ នឹងត្រូវបានចំណាយពេលឥតប្រយោជន៍ ហើយយើងអាចត្រូវបានគេមើលឃើញសក្តានុពលអំពីការឆ្លងរីករាលដាលវីរុសកូរ៉ូណា កើនឡើងជាលើកទី ២ ម្តងទៀតជាក់ជាមិនខាន។
លោកស្រីបានថ្លែងថា វិធានការនានាដើម្បីទប់ស្កាត់ការឆ្លងវីរុសនេះនឹងត្រូវត្រួតពិនិត្យឡើងវិញរៀងរាល់ ៣ សប្តាហ៍ម្តង ប្រហែលជារយៈពេល ៦ ខែ ឬ យូរជាងនេះ ប៉ុន្តែមិនមានន័យថា ចំាបាច់បិទទាំងស្រុងរយៈពេលវែងទេ៕ AFP/SK
