ក្រុងយ៉ាំងហ្គោន៖ ក្រុមសិទ្ធិមនុស្ស (HRW) បានថ្លែងកាលពីថ្ងៃអង្គារថា ផ្ទះយ៉ាងតិច ២០០ ខ្នង និងអគារជាច្រើនផ្សេងទៀត ត្រូវបានបំផ្លាញដោយសារភ្លើងឆេះ នៅក្នុងរដ្ឋមានជម្លោះមួយ នៅក្នុងប្រទេសមីយ៉ាន់ម៉ា នៅក្នុងឧប្បត្តិហេតុមួយ ដែលបាន «បង្កឡើង» ដោយសារការវាយប្រហាររបស់យោធាពីមុន ទៅលើភូមិជាច្រើននៅទីនោះ។
អង្គការឃ្លាំមើលសិទ្ធិមនុស្សបានថ្លែងថា ភូមិឡិតការនៅក្នុងរដ្ឋរ៉ាក់ឃីនភាគពាយព្យ ភាគច្រើនត្រូវបានគេបោះបង់ចោលនៅពេលអគារជាច្រើន បានឆេះកាលពីថ្ងៃទី ១៦ ខែឧសភា ក្រោយពីជនជាតិភាគតិចនៅរដ្ឋរ៉ាក់ឃីនភាគច្រើនកាន់ព្រះពុទ្ធសាសនា បានរត់ភៀសខ្លួនចេញពីទីនោះជាង ១ ឆ្នាំ ដោយបានលើកឡើងអំពីរូបភាពផ្កាយរណប និងសាក្សីជាច្រើនទៀត។
យោធាមីយ៉ាន់ម៉ាបានបិទនៅក្នុងការធ្វើសង្គ្រាមយ៉ាងឃោរឃៅកាន់តែខ្លាំងឡើង ប្រឆាំងកងកម្លាំងអារ៉ាកាន (AA) ក្រុមឧទ្ទាមកំពុងប្រយុទ្ធដើម្បីស្វ័យភាពបន្ថែមទៀតសម្រាប់ជនជាតិភាគតិចកាន់ព្រះពុទ្ធសាសនានៅរដ្ឋរ៉ាក់ឃីន ចាប់តាំងពីខែមករា ឆ្នាំ ២០១៩ បានសម្លាប់មនុស្សអស់ជាច្រើន ហើយបានបង្ខំឲ្យមនុស្ស ១៥ ម៊ឺននាក់ បានរត់ភៀសខ្លួនចេញពីផ្ទះសំបែងរបស់ពួកគេ។
ទាំងយោធាមីយ៉ាន់ម៉ា និងកងកម្លាំងអារ៉ាកាន បានបដិសេធមិនទទួលខុសត្រូវ ចំពោះការបំផ្លិចបំផ្លាញនៅក្នុងភូមិឡិតការ នៅតំបន់ប្រជុំជន Mrauk U ដោយបានចោទប្រកាន់ក្រុមផ្សេងទៀតពីបទឧក្រិដ្ឋកម្មសង្គ្រាម៕ AFP/SK