.jpg)
សមាជិកសន្តិសុខឈរយាម ខណៈក្រុមស្ត្រីប្រមូលក្មេងៗ មុនពេលចាកចេញពីជំរំ al-Hol។ AFP
កាលពីថ្ងៃច័ន្ទ ទី ៨ កុម្ភៈ ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិ បានជំរុញឱ្យរដ្ឋចំនួន ៥៧ ធ្វើមាតុភូមិនិវត្តន៍ពលរដ្ឋជិត ១ ម៉ឺននាក់របស់ពួកគេ ដែលជាស្ត្រី និងកុមារដែលមានទំនាក់ទំនងជាមួយក្រុមអ្នកប្រយុទ្ធរដ្ឋអ៊ិស្លាម។
ស្ត្រី និងកុមារបរទេសចំនួន ៩ ៤៦២ នាក់ ស្ថិតក្នុងចំណោមមនុស្សជាង ៦៤ ៦០០ នាក់ ដែលភាគច្រើនជាជនជាតិអ៊ីរ៉ាក់ និងស៊ីរី ត្រូវបានឃុំខ្លួននៅជំរុំ al-Hol និង Roj។
អង្គការសហប្រជាជាតិបាននិយាយកាលពីខែមុនថា អង្គការបានទទួលរបាយការណ៍នៃជនជាតិស៊ីរី និងអ៊ីរ៉ាក់ ១២ នាក់ ដែលត្រូវបានសម្លាប់នៅក្នុងពាក់កណ្តាលខែមករា នៅឯជំរុំ al-Hol ដែលមានជនភៀសខ្លួន និងគ្រួសារអ្នកប្រយុទ្ធរដ្ឋអ៊ិស្លាម៕
