.jpg)
លោក ប្រធានាធិបតីអាល្លឺម៉ង់ Frank-Walter Steinmeier និយាយលា បន្ទាប់ពីធ្វើសន្និសីទជាមួយលោក ប្រធាន WHO Tedros Adhanom Ghebreyesus។ AFP
កាលពីថ្ងៃពុធទី ៥ ឧសភាអង្គការសុខភាពពិភពលោកបានប្រកាសការបង្កើតមជ្ឈមណ្ឌលនៅប្រទេសអាល្លឺម៉ង់ ដើម្បីឃ្លាំមើលការគំរាមកំហែងរោគរាតត្បាតដែលអាចកើតមានឡើង។
ប្រធានអង្គការសុខភាពពិភពលោកលោក TedrosAdhanomGhebreyesus បានប្រាប់អ្នកសារព័ត៌មានថា៖ «ជំងឺរាតត្បាតកូវីដ១៩បាន បង្ហាញពីចន្លោះប្រហោងរបស់ពិភពលោកក្នុងទប់ស្កាត់រោគរាតត្បាត និងការឆ្លងរាលដាល»។
លោកបានបន្តនិយាយថា អាចមានវីរុសជាច្រើនទៀតដែលនឹងផ្ទុះឡើងជាជំងឺរាតត្បាត។ វីរុសឆ្លងលឿនប៉ុន្តែទិន្នន័យអាចមានល្បឿនលឿនជាងនេះ។ ប្រទេស និងសហគមន៍អាចឈានមួយជំហានទៅមុខនៃហានិភ័យដែលអាចកើតមានឡើង និងជួយសង្គ្រោះអាយុជីវិតមនុស្សជាមួយ នឹងព័ត៌មានត្រឹមត្រូវ។
មជ្ឈមណ្ឌលសុខភាពពិភពលោកសម្រាប់រោគរាតត្បាតនឹងចាប់ផ្តើមដំណើរការនៅទីក្រុងប៊ែរឡាំងក្នុងខែកញ្ញា។ មជ្ឈមណ្ឌលនេះនឹងធ្វើការវិភាគទិន្នន័យយ៉ាងឆាប់រហ័ស ដើម្បីធ្វើការព្យាករបង្ការការពាររៀបចំ និងឆ្លើយតបចំពោះហានិភ័យនានានៅទូទាំងពិភពលោក៕
