អង្គការ Amnesty International បានរកឃើញថា ក្រុមវាយប្រហារតាមប្រព័ន្ធអ៊ីនធឺណិត Ocean Lotus បានលួចចូលប្រព័ន្ធទិន្នន័យរបស់សកម្មជនសិទ្ធិមនុស្សវៀតណាម។ សកម្មជនសិទ្ធិមនុស្សវៀតណាមបានលើកឡើងពីបញ្ហាសេរីភាពនៃការបញ្ចេញមតិនៅក្នុងប្រទេសវៀតណាម ដែលគ្រប់គ្រងដោយរបបកុម្មុយនីស្ត។
ក្រុមសិទ្ធិមនុស្សបាននិយាយកាលពីថ្ងៃទី ២៤ កុម្ភៈថា សន្តិសុខរបស់អង្គការ Amnesty International បានរកឃើញភ័ស្តុតាងនៃការប៉ុនប៉ងលួចចូលមើលអ៊ីមែលដែលផ្ញើទៅអ្នកប្រឆាំង ២ នាក់។ អ្នកទាំង ២ ដែលត្រូវបានគេលួចតាមដានមានម្នាក់នៅហ្វីលីពីន និងម្នាក់ទៀតនៅប្រទេសអាល្លឺម៉ង់។
គួរបញ្ជាក់ផងដែរថា កាលពីខែមករា សហភាពអឺរ៉ុបបានលើកឡើងពីការថ្កោលទោសចំពោះការបង្ក្រាបអ្នកប្រឆាំង និងការកើនឡើងនៃការរំលោភសិទ្ធិមនុស្សនៅវៀតណាម៕