.jpg)
លោកCarter Page ថ្លែងទៅកាន់ប្រព័ន្ធផ្សព្វផ្សាយក្រោយពីផ្តល់ភស្តុតាងនៅចំពោះមុខគណៈកម្មាការស៊ើបអង្កេត។ AFP
ក្រុងវ៉ាស៊ីនតោនៈ អង្គភាពស៊ើបការសហព័ន្ធអាមេរិក ដែលហៅកាត់ថា (FBI) ប្រាកដក្នុងចិត្តថា អតីតអ្នកជំនួយការក្នុងយុទ្ធនាការបោះឆ្នោតរបស់លោក ត្រាំ មានទំនាក់ទំនងជាមួយនិង រុស្ស៊ី ខណៈដែល រុស្ស៊ី ចង់លូកដៃចូលក្នុងការបោះឆ្នោតប្រធានាធិបតីអាមេរិក ដែលប្រព្រឹត្តិទៅកាលឆ្នាំ ២០១៦។
ឯកសារសម្ងាត់ៗជាច្រើន ត្រូវបានគេបញ្ជូលទៅឲ្យអង្គភាពសារពត៌មានរបស់ អាមេរិក ដែលបានបញ្ចេញ កាលពីថ្ងៃសៅរ៍ កន្លងទៅនេះ។
យោងតាមឯកសារសម្ងាត់ៗដែលសារពត៌មាន ញ៉ូវយ៉ក់ថាមស៍ បានចុះផ្សាយបានឲ្យដឹងថា ក្នុងខែតុលា ឆ្នាំ២០១៦ ពាក្យបណ្ដឹង ត្រូវបានដាក់ទៅកាន់តុលាការ ឃ្លាំមើលលើការស៊ើបអង្កេតបរទេសបានចារឈ្មោះលោក Carter Page ដែលជាអតីតអ្នកជំនួយការគោលនយោបាយការបរទេសក្នុងយុទ្ធនាការបោះឆ្នោតរបស់លោកត្រាំ។
សារពត៌មាននេះស្របជាមួយសារពត៌មាន USA Today និងសារពត៌មានដទៃទៀត បានដាក់ពាក្យបណ្ដឹងស្ដីអំពីសិទិ្ធសេរីភាព ខាងផ្នែកសារពត៌មានក្នុងការទទួលបានឯកសារទាំងនោះ ដែលក្រសួងយុត្តិធម៌ បានបញ្ចេញ ប៉ុន្តែជាមួយការកែប្រែពត៌មានលម្អិតជាច្រើន។
ពាក្យបណ្ដឹងដំបូងរបស់ FBIបានឲ្យដឹងថា៖ «អង្គភាពស៊ើបការសហព័ន្ធអាមេរិក FBI ជឿថា លោក Page គឺជាគោលដៅនៃការជ្រើសរើសរបស់រដ្ឋាភិបាលរុស្ស៊ី»។
ពាក្យបណ្ដឹងនោះ បានបន្តថា៖«លោកបានធ្វើឲ្យប៉ះពាល់ដល់លទ្ធផលនៃការបោះឆ្នោតប្រធានាធិបតីឆ្នាំ២០១៦ ដោយបានល្មើសទៅនិងច្បាប់ព្រហ្មទណ្ឌ អាមេរិក»៕ PDN
