លោក Mario Draghi អតីត​ប្រធាន​ធនាគារ​កណ្តា​អាច​នឹង​ក្លាយជា​ប្រធានាធិបតី​ប្រទេស​អ៊ីតាលី​ថ្មី ខណៈ​ការពិភាក្សា​បង្កើត​រដ្ឋាភិបាល​បង្រួបបង្រួម​ជាតិ​ថ្មី​ក្នុងប្រទេស​អ៊ីតាលី​នឹង​ចាប់ផ្ដើម​នាពេល​ឆាប់ៗ​។

មន្ត្រីជាន់ខ្ពស់​អ៊ីតាលី​បាន​ឱ្យ​ដឹងថា លោក Draghi មន្ត្រី​ទទួលបាន​ការគោរព​ខ្ពស់បំផុត​ពី​ប្រជាជន​អ៊ីតាលី​ និង​ត្រូវបាន​គេ​ទទួលស្គាល់​ថា ជា​អ្នកដឹកនាំ​ដែល​បាន​ចាត់វិធានការ​យ៉ាង​ម៉ឺងម៉ាត់​ក្នុងអំឡុង​វិបត្តិ​បំណុល​នៅ​តំបន់​ចាយប្រាក់​អឺរ៉ូ​បាន​ជួប​ជាមួយ​ប្រធានាធិបតី​លោក Sergio Mattarella នៅ​ថ្ងៃ​ពុធ​។

ការសម្រេចចិត្ត​ភ្លាមៗ​នេះ កើតឡើង​បន្ទាប់ពី​កិច្ចពិភាក្សា​កាលពី​ថ្ងៃ​អង្គារ​ជុំវិញ​ការស្ដារ​រដ្ឋាភិបាលចម្រុះ​ឡើងវិញ ក្រោយ​រដ្ឋាភិបាល​ដឹកនាំ​ដោយ​លោក Giuseppe Conte ដែល​បាន​ដួលរលំ​កាលពី​ខែ​មុន​។

លោក Mattarella បាន​និយាយ​ថា លោក​មាន​ជម្រើស ២ គឺ​ការហៅ​ការបោះឆ្នោត​ជ្រើសរើស​ ឬ​តែងតាំង​រដ្ឋាភិបាល​បច្ចេកទេស (​សំដៅលើ​មន្ត្រី​បច្ចេកទេស​ដែល​អាច​កាន់តំណែង​ជំនួស​ឱ្យ​ការជ្រើសតាំង​តំណាងរាស្ត្រ​) ដើម្បី​គ្រប់គ្រង​ការរាតត្បាត​កូវីដ ១៩ និង​បញ្ហា​ប្រឈម​ខាង​សេដ្ឋកិច្ច និង​សង្គម​របស់​ប្រទេស​នេះ​។

លោក​មិនបាន​បញ្ជាក់ថា​លោក​នឹង​ជ្រើសរើស​អ្នកណា​ដើម្បី​ដឹកនាំ​រដ្ឋាភិបាល​នោះទេ ប៉ុន្តែ​លោក Draghi ឬ​មាន​រហស្សនាម​ថា​ជា «Super Mario» ដោយសារ​ការគ្រប់គ្រង និង​សន្សំ​ប្រាក់​អឺរ៉ូ​បានល្អ​នេះ​ដែល​ត្រូវបាន​កោះហៅ​ទៅ​ជួប​ពីថ្ងៃ​ពុធ​ត្រូវបាន​បណ្ដាញ​សារព័ត៌មាន និង​ប្រព័ន្ធ​ផ្សព្វផ្សាយ​អ៊ីតាលី​នានា​រំពឹងទុក​ថា លោក Draghi អាច​នឹងត្រូវ​បានតែងតាំង​ជា​នាយករដ្ឋមន្ត្រី​បច្ចេកទេស​។

គួរបញ្ជាក់​ផងដែរ​ថា ការដាក់​ប្រទេស​ក្នុង​គ្រាអាសន្ន​របស់​អ៊ីតាលី​ធ្វើឱ្យ​មាន​ផលប៉ះពាល់​ដល់​សេដ្ឋកិច្ច​ប្រទេស​នេះ​ជាខ្លាំង​។ ទិន្នន័យ​ដែល​បានចេញ​ផ្សាយ​កាលពី​ថ្ងៃ​អង្គារ​បាន​បង្ហាញថា ផលិតផល​ក្នុងស្រុក​សរុប​របស់​ប្រទេស អ៊ីតាលី​បាន​ធ្លាក់ចុះ​ ៨,៨% ក្នុង​ឆ្នាំ​ ២០២០ ដែលជា​ការធ្លាក់ចុះ​ប្រចាំឆ្នាំ​ដ៏ខ្លាំង​បំផុត​ចាប់តាំងពី​សង្គ្រាម​លោកលើកទី​២​។

លោក Mattarella បាន​មានប្រសាសន៍​ថា​អ្វីដែល​សំខាន់បំផុត​ដែល​រដ្ឋបាល​ត្រូវធ្វើ​បន្ទាប់ គឺ​ត្រូវ​រៀបចំ​ផែនការ​យ៉ាង​ឆាប់រហ័ស​សម្រាប់​វិធី​ចំណាយ​ថវិកា​ជាង ២៤៣ ពាន់​លាន​ដុល្លារ​ពី​មូលនិធិ​សហភាព​អឺរ៉ុប​ដើម្បី​ទប់ទល់​ការធ្លាក់ចុះ​នៃ​សេដ្ឋកិច្ច​ប្រទេស​នេះ​។

យ៉ាងណាមិញ​សមាជិក​ជាន់ខ្ពស់​នៃ​ចលនា​ប្រឆាំង​ផ្កាយ​ ៥ ដែលជា​គណបក្ស​ធំជាងគេ​នៅក្នុង​សភា​ និង​ជា​សមាជិក​សំខាន់​នៃ​រដ្ឋាភិបាលចម្រុះ​បាន​និយាយថា ក្រុម​នេះ​នឹងមិន​គាំទ្រ​រដ្ឋាភិបាល​ដែល​ដឹកនាំ​ដោយ​លោក Draghi ឡើយ​។

មន្ត្រី​ម្នាក់​បាន​និយាយ​ដោយ​សុំ​មិន​បញ្ចេញ​ឈ្មោះ​បាន​ប្រាប់​សារព័ត៌មាន Reuters ថា «​គ្មាន​ផ្លូវ​អ្វី​ទេ​»​។ ​ផ្ទុយទៅវិញ​ដៃគូ​ចម្រុះ​សំខាន់​របស់​ផ្កាយ ៥ គឺ​គណបក្ស​ប្រជាធិបតេយ្យ​ឆ្វេង​បាន​និយាយថា​ខ្លួន​បាន​ត្រៀមខ្លួន​ជាស្រេច​ដើម្បី​គាំទ្រ​លោក Draghi ។ មេដឹកនាំ​គណបក្ស​នេះ​បាន​និយាយ​ពី​គំនិត​ផ្តួចផ្តើម​របស់ Mattarella «​គឺជា​ការដោះស្រាយ​គ្រោះមហន្តរាយ ដោយ​ធ្វើ​ការស្ដារ​ឱ្យ​ប្រសើរ​ឡើងវិញ​»​។

លោក Matteo Renzi ដែល​បាន​បង្កឱ្យមាន​ការដួលរលំ​លោក Conte កាលពី​ខែ​មុន​ក៏បាន​សន្យា​គាំទ្រ​លោក Draghi ដូចគ្នា​។

បច្ចុប្បន្ន​គេ​កំពុង​ផ្តោតលើ​គណបក្ស​នានា ដែល​មិនទាន់​ឃើញ​មក​អះអាង​ជំហរ​ខ្លួន​រួមមាន​ប្លុក​ប្រឆាំង​ខាងស្តាំ​និយម​ដែល​រួមមាន​សម្ព័ន្ធភាព​អឺរ៉ុប​របស់ Matteo Salvini ​គណបក្ស Brothers of Italy និង​ក្រុម​ស្តាំនិយម​អ៊ីតាលី​គឺ​គណបក្ស​ Forza Italia ។

ទោះជា​យ៉ាងណាក្ដី គណបក្ស Forza Italia ត្រូវបាន​គេ​រំពឹងថា​នឹង​ទោរ​ទៅរក​លោក Draghi ខណៈ​គណបក្ស Brothers of Italy នៅតែ​បង្ហាញថា ខ្លួន​នៅតែ​ប្រឆាំង​ដដែល ដែល​នេះ​ស​ឱ្យឃើញថា ខាង​សម្ព័ន្ធភាព​អឺរ៉ុប​ជា​អ្នកបង្កើត​កាត់សេចក្ដី ថា​ក្រុម​គណបក្ស​ស្ដាំនិយម​នេះ​នឹង​គាំទ្រ​រដ្ឋាភិបាល​ថ្មី​នេះដែរ​ឬ​អត់​?

គួរបញ្ជាក់​ផងដែរ​ថា រដ្ឋាភិបាល Draghi ថ្មី​នេះ នឹង​ពង្រឹង​ជំហរ​អន្ដរជាតិ​របស់​ប្រទេស​អ៊ីតាលី​នៅពេលដែល​ប្រទេស​នេះ​កាន់តំណែង​ជា​ប្រទេស​ G20 ។ ប៉ុន្តែ​ការទទួល​យក​កាតព្វកិច្ច​នេះ​នឹង​នាំ​ហានិភ័យ​ដល់​សេដ្ឋវិទូ​វ័យ ៧៣ ​ឆ្នាំ​គឺ​លោក​ Draghi ផ្ទាល់​។

អ្នកជំនាញ​ខាង​បច្ចេកទេស​ទទួលយក​កាតព្វកិច្ច​នេះ​ចុងក្រោយបង្អស់ គឺ​ក្នុង​ឆ្នាំ​ ២០១១ នៅពេលដែល​សេដ្ឋវិទូ​ម្នាក់​ទៀត​គឺ​លោក Mario Monti ដែល​ធ្លាប់ជួយ​ប្រទេស​អ៊ីតាលី​ឱ្យ​រួច​ផុតពី​វិបត្តិ​បំណុល​។ យ៉ាងណាមិញ សមាជិកសភា​ភ្លាមៗ​នោះ​បាន​ប្រឆាំង គាត់​វិញ​ក្រោយ​យល់ថា ការស្ដារ​សេដ្ឋកិច្ច​របស់​លោក​នៅ​ខ្សោយ​ពេក​៕