អតីតប្រធានាធិបតីអាមេរិកលោក Donald Trump បានរិះគន់មេដឹកនាំក្រុមសមាជិកព្រឹទ្ធសភា គណបក្សសាធារណរដ្ឋបន្ទាប់ពីលោកបានលើកឡើងថា លោក Trump ជាអ្នកទទួលខុសត្រូវចំពោះការវាយលុកចូលអគារកាពីតូល។
កាលពីទី ១៣ កុម្ភៈ លោក Mitch McConnell បាននិយាយថា អតីតប្រធានាធិបតីអាមេរិកជាអ្នកទទួលខុសត្រូវចំពោះការវាយលុកអគារកាពីតូល។ ទោះបីជាលោក McConnell បានបោះឆ្នោតដើម្បីលើកលែងទោសលោក Trump ក្នុងអំឡុងពេលជំនុំជម្រះព្រឹទ្ធសភាក៏ដោយ ក៏លោកបាននិយាយថាលោក Trump អាចប្រឈមមុខនឹងផ្លូវច្បាប់ចំពោះសកម្មភាពរបស់លោក។
លោក Trump បាននិយាយនៅក្នុងសេចក្តីថ្លែងការណ៍ដែលចេញដោយអង្គការ Save America PAC ថា លោក McConnell ធ្វើនយោបាយបែបវាយប្រហារ ហើយប្រសិនបើសមាជិកព្រឹទ្ធសភាគណបក្សសាធារណរដ្ឋនឹងនៅបន្តជាមួយលោក McConnell គណបក្សសាធារណរដ្ឋនឹងមិនឈ្នះឆ្នោតម្តងទៀតឡើយ៕