ក្រុងយុំាងហ្គោនៈ អ.ស.ប. បាននិយាយកាលពីថ្ងៃចន្ទថាជនជាតិភាគតិចរ៉ូហ៊ីងយ៉ាយ៉ាងតិច ៦៥ ពាន់នាក់បានភៀសខ្លួនពីមីយ៉ាន់ម៉ាទៅបង់ក្លាដែសមួយភាគបីនៃពួកគេកាលពីសប្តាហ៍មុនចាប់តាំងពីកងទ័ពបានចាប់ផ្តើមបង្ក្រាបនៅរដ្ឋរ៉ាក់ឃីន។
តួលេខនោះបង្ហាញពីការកើនឡើងចំនួនអ្នកដែលភៀសខ្លួនពីយុទ្ធនាការយោធាដែលក្រុមសិទ្ធិមនុស្សនិយាយថាបណ្តាលមកពីការរំលោភបំពានធ្ងន់ធ្ងររហូតក្លាយអំពើឧក្រិដ្ឋកម្មប្រឆាំងមនុស្សជាតិ។
ពួកគេក៏បានមកដល់ក្នុងថ្ងៃតែមួយដែលប្រេសិតពិសេសទទួលបន្ទុកសិទ្ធិមនុស្សរបស់ អ.ស.ប ប្រចាំនៅមីយ៉ាន់ម៉ាលោកស្រី Yanghee Lee បានចាប់ផ្តើមទស្សនកិច្ច ១២ ថ្ងៃរបស់លោកស្រីដើម្បីស៊ើបអង្កេតអំពើហិង្សានៅក្នុងតំបន់ព្រំដែនរបស់ប្រទេសនេះដែលបាននាំលោកស្រីទៅកាន់តំបន់គ្រប់គ្រងដោយកងទ័ព។
នៅក្នុងរបាយការណ៍ប្រចាំសប្តាហ៍របស់ខ្លួនទីភ្នាក់ងារជំនួយសង្គ្រោះរបស់ អ.ស.ប. បាននិយាយថាកាលពីសប្តាហ៍មុនអ្នកមកដល់ថ្មី ២២ ពាន់នាក់ត្រូវបានរាយការណ៍ថាបានលួចឆ្លងព្រំដែនមកខេត្តរ៉ាក់ឃីន៕ PSA
