ក្រុងបេរូតៈ អង្គការសហប្រជាជាតិ បានរាយការណ៍កាលពីថ្ងៃអង្គារថា សីតុណ្ហភាពត្រជាក់ខ្លាំង និងកង្វះថ្នាំពេទ្យបានបង្កឲ្យក្មេងស៊ីរីខ្ចាត់ព្រាត់យ៉ាងតិច ១៥ នាក់ ស្លាប់ កាលពីប៉ុន្មានសប្តាហ៍ថ្មីៗនេះ។
មូលនិធិសម្រាប់ទ្រទ្រង់កុមាររបស់អង្គការសហប្រជាជាតិ (UNICEF) បានថ្លែងថា ក្មេង ៨ នាក់ ក្នុងចំណោមពួកគេ បានស្លាប់ ដោយសារអាកាសធាតុត្រជាក់ខ្លាំងនៅក្នុងជំរំ Rukba នៅស៊ីរីភាគខាងត្បូង និង ៧ នាក់ផ្សេងទៀតបានស្លាប់នៅអំឡុងពេលបំផ្លាស់ទី ចេញពីតំបន់ក្រុងហាជីន ដែលគ្រប់គ្រងដោយក្រុមជីហាដជ្រុលនិយមនៅភាគខាងជើង។
ប្រធានUNICEFប្រចាំតំបន់លោក Geert Cappelaere បានថ្លែងថា៖ «សីតុណ្ហភាពត្រជាក់ខ្លាំងពេកធ្វើឲ្យស្ថានភាពរស់នៅរបស់ប្រជាជន នៅក្នុងតំបន់នោះ មានការលំបាកណាស់។
លោក បានថ្លែងថា៖ «នៅក្នុងរយៈពេល ១ ខែមកនេះ ក្មេងយ៉ាងតិច ៨ នាក់ ភាគច្រើននៅក្នុងចំណោមពួកគេ មានអាយុក្រោម ៤ ឆ្នាំ និងក្មេងដែលទើបកើតពីផ្ទៃម្តាយបានស្លាប់បាត់បង់ជីវិត»។
លោក Cappelaere បានពន្យល់ថា អាកាសធាតុដ៏ត្រជាក់នោះ បានកើតឡើងនៅជំរំវាលខ្សាច់ដាច់ឆ្ងាយពីគេនៅព្រំដែនហ៊្សកដានី ជាទីដែល ៨០ ភាគរយនៃពលរដ្ឋ ៤៥ ពាន់នាក់ជាស្ត្រីនិងក្មេងៗ ធ្វើឲ្យអត្រាមរណៈទារកកើនឡើង។
អាកាសធាតុត្រជាក់ភ្លាមៗនោះ បានវាយប្រហារទៅលើតំបន់ហាជីននៅស៊ីរីភាគខាង កើតដោយបង្ខំឲ្យប្រជាជនជាច្រើនដែលកំពុងរស់នៅទីនោះភៀសខ្លួនទៅរកទីដែលមាន សុវត្ថិភាព៕ AFP/SK