The Phnom Penh Post Search

Search form




Logo of Phnom Penh Post newspaper Phnom Penh Post - អាមេរិក​ភាគឦសានស្ទើ​រតែគាំង​ស្តូក​ដោយសារ​តែព្យុះ​ទឹកកកវាយ​ប្រ​ហារ

អាមេរិក​ភាគឦសានស្ទើ​រតែគាំង​ស្តូក​ដោយសារ​តែព្យុះ​ទឹកកកវាយ​ប្រ​ហារ

អាមេរិក​ភាគឦសានស្ទើ​រតែគាំង​ស្តូក​ដោយសារ​តែព្យុះ​ទឹកកកវាយ​ប្រ​ហារ

130211_18b
បុរសរូបនេះប្រើម៉ាស៊ីនឈូសបំបែកកម្ទេចទឹកកកនៅលើចិញ្ចើមផ្លូវ ក្នុងសង្កាត់ប្រៃតុន ក្រុងបូស្តុន រដ្ឋម៉ាសាឈូសេត កាលពីថ្ងៃអាទិត្យ AFP

ក្រុង​ញូវយ៉កៈ នៅ​ភាគ​ឦសាន អាមេរិកកាល​ពី​ថ្ងៃ​អាទិត្យ​ បាន​ព្យាយាម​ងើប​ចេញ​​ពី​ព្យុះ​ទឹកកកដ៏​​ធំ​​សម្បើម​មួយ​ដែល​បាន​ធ្វើ​​ឲ្យ​រំខាន​ដល់​ផ្លូវអាកាស ផ្លូវគោក និង​ផ្លូវ​ដែក ដោយ​បាន​​ធ្វើ​ឲ្យ​​ផ្ទះ និង​​ក្រុម​​ហ៊ុន​អា​ជីវកម្ម​៦៥​ម៉ឺន​​កន្លែង​គ្មាន​ភ្លើង​ប្រើ​ប្រាស់ និង​​​បណ្តាល​ឲ្យ​មនុស្ស​យ៉ាង​តិច​៧​នាក់​ស្លាប់​។

ព្យុះ​នៅ​តំបន់​ដែល​នៅ​តែ​មាន​ស្លាក​ស្នាម​ដោយ​ព្យុះមហាកំណាច ​សែន​ឌី​ ​កាល​ពី​ខែ​តុលា​ បាននាំ​យក​ព្រឹលកម្ពស់​​ដល់​​ជិត១ម៉ែត្រមក​ចាក់​ទូទាំង​រដ្ឋ​ញូវអុីង​គ្លែន ជា​មួយ​សន្ទុះ​ខ្យល់​កម្លាំង​ព្យុះ​យូ​រីខែន​ដោយ​​ជួយ​បង្កើតជាពំនូក​ព្រឹល​ធំ​ៗ​។ នៅ​​រាត្រី​ថ្ងៃ​សៅរ៍ វាបាន​​ធ្វើ​ដំណើរ​​​សំដៅភាគខាង​ជើង​ទៅ​កាន់​កាណាដា ដោយ​វាយ​ប្រហារ​ខេត្ត​បី​នៅ​ទី​នោះ​។

ព្រលាន​យន្ត​ហោះ​នៅ​ញូវ​យ៉ក​ដូច​ជាព្រលាន La Guardia, John F. Kennedy និង​ Newark ​ដែល​បាន​បញ្ឈប់​​រាល់​ជើង​ហោះ​ហើរ​ក្នុង​អំឡុង​ពេល​មាន​ព្យុះ​ខ្លាំង​កាល​ពី​ថ្ងៃ​សុក្រ បាន​​បន្ត​សេវា​របស់​ខ្លួន​វិញ​ជា​មួយ​នឹង​ការ​ពន្យារ​ពេល​។ ទោះ​ជា​យ៉ាង​ណា​ក៏​ដោយ ក៏​គេហ​ទំព័រ FlightAware.com បាន​​ចុះ​បញ្ជី​ការ​លុប​ចោល​ជើង​ហោះ​ហើរ​ជិត​២​ពាន់​ ជុំ​វិញ​តំបន់​នេះ ដោយ​បន្ថែម​លើ​ជើង​ហោះ​ហើរ​ជាង៣​ពាន់​​ដែល​លុប​ចោល​​កាល​ពី​ថ្ងៃ​សុក្រ​។

ព្យុះ​ទឹក​កក​ដែល​បាន​ឡោម​ព័ទ្ធ​ព្រលាន​​យន្ត​ហោះ​ Loganរបស់​ក្រុង​​បូស្តុន មាន​សភាព​ធ្ងន់​ធ្ងរ​យ៉ាង​ខ្លាំង​ រហូត​ដល់​ប្រតិបត្តិការ​ឈូស​ព្រឹល ត្រូវ​បាន​គេ​បោះ​បង់​ចោល​​ទាំង​យប់​ជា​ច្រើន​ម៉ោង​។ ប៉ុន្តែ​អាជ្ញា​ធរ បាន​និយាយ​ថា ការ​មក​​ដល់របស់​យន្តហោះ បាន​បន្ត​ជា​ថ្មី​កាល​ពី​រាត្រី​ថ្ងៃ​សៅរ៍​ ​​ហើយ​ការ​ចេញ​ដំណើរ​ បាន​ធ្វើ​​កាលពី​ថ្ងៃ​អាទិត្យ​។

សាជី​វកម្ម​ Amtrak បាន​និយាយ​ថា ​​ផ្លូវ​ដែក​របស់​ខ្លួន​ដែល​ភ្ជាប់​​​រវាងក្រុង​ញូវយ៉ក និង​បូស្តុន នៅ​តែ​បិទ​រហូត​ដល់​​ថ្ងៃ​អាទិត្យ ប៉ុន្តែ​រថ​ភ្លើងជាច្រើន បាន​បន្ត​ដំណើរ​ការ​តាម​កម្មវិធី​ធម្មតា ​​ទៅ​ក្រុង​វ៉ាស៊ីន​តោន​។

បម្រាម​បើក​បរ​នៅ​រដ្ឋ​ ម៉ាសា​ឈូ​សេត​ ដែល​មានព្រឹល​​កម្រាស់​០,៦​ម៉ែត្រ​ និង​បាន​កប់​ផ្លូវ​ជា​ច្រើន​ខ្សែ​នៅ​ក្រុង​បូស្តុន ត្រូវ​បានលើកលែង​កាល​ពី​រសៀល​ថ្ងៃ​សៅរ៍​។

អភិបាលរដ្ឋ​ ម៉ាសាឈូ​សេត​លោកដេ​វ៉ាល ប៉ាទ្រីក​ ​បាន​ថ្លែង​​ថា​៖«​យើង មាន​ព្រឹល​ច្រើន​ណាស់​ដែល​ត្រូវ​ឈូស​ចេញ​ ហើយ​ត្រូវ​​ការ​ពេល​វេលា​ខ្លះដើម្បី​ធ្វើ​រឿង​នោះ​។ នោះ​គឺជាវិធាន​ការ​ចាំបាច់​មួយ​ដើម្បី​ទទួលបាន​អគ្គិសនី​ប្រើ​​ប្រាស់​ឡើង​វិញ​»​​។អភិបាល​រដ្ឋ​​ខុណ្ណិកទីខាត់ លោក Dannel Malloy បាន​​ដក​​បម្រាប​ដូច​គ្នានោះ​ ប៉ុន្តែ​បាន​ជំរុញ​ឲ្យ​​ពល​រដ្ឋ​ស្នាក់​នៅ​ក្នុង​ផ្ទះ​។

លោក Malloy បានថ្លែងថា​៖​«​វាមាន​សារៈ​សំខាន់​ណាស់​ពេល​​នេះ ​ដែល​​​អ្នក​ស្រុកត្រូវ​នៅឆ្ងាយពី​​ផ្លូវ​ ​ថ្នល់​ ធ្វើ​ដូច្នោះ​គ្រឿង​ចក្រ​ឈូស​ព្រឹល​របស់​យើង អាច​បន្ត​កិច្ច​ប្រឹង​ប្រែង​​​ដើម្បី​បោស​​សម្អាត​ផ្លូវ​ និង​ផ្លូវ​ហាយវេរបស់​យើង​។ នេះ​គឺជា​ព្យុះ​មួយ​ដែល​ពុំ​ធ្លាប់​មាន​ពី​មុន​មក​។ គេ​នឹង​ត្រូវ​ការ​ពេល​វេលា​ឈូស​ព្រឹល​ចេញ​។ រថយន្ត​ដែល​កប់​ឬត្រូវ​គេ​ទុក​​ចោលនឹង​ធ្វើ​ឲ្យ​ដំណើរ​ការ​សម្អាត​នោះ​​មាន​​ភាព​យឺត​យ៉ាវ​។ បើ​អ្នក​មិន​ប្រឈម​មុខ​នឹង​គ្រា​​អាសន្ន​ទេ សូម​នៅ​មួ​យកន្លែង​​»។

នៅ​បុរី​ញូវ​យ៉ក ដែលស្ថិត​ក្រោម​​ព្រឹល​​កម្ពស់​​បី​ស.ម. ​​នៅ​ ឧទ្យាន​ Central Park ផ្លូវ​ភាគ​ច្រើន​ ត្រូវ​បាន​បោស​សម្អាត​នៅពេល​ព្រឹក​។ អភិបាលក្រុង​ ម៉ៃ​ឃើល ប៊្លូម​ប៊ើក​ បាន​ថ្លែង​ថា​៖«​មើល​ទៅ​ហាក់​បី​ដូច​ជា​ យើងគេច​ផុត​ពី​ស្ថាន​ភាព​គ្រោះ​ថ្នាក់​ប្រកប​ទៅ​ដោយ​​ជោគជ័យ​ហើយ»​៕ AFP​​/​​NR

អត្ថបទគួរចាប់អារម្មណ៍