The Phnom Penh Post Search

Search form

Logo of Phnom Penh Post newspaper Phnom Penh Post - អាមេរិក​​​ឃ្លាំ​មើល​ចំណាត់​ការ​រដ្ឋា​ភិ​បាល​មីយ៉ាន់ម៉ា​លើ​អំពើ​ហិង្សា




អាមេរិក​​​ឃ្លាំ​មើល​ចំណាត់​ការ​រដ្ឋា​ភិ​បាល​មីយ៉ាន់ម៉ា​លើ​អំពើ​ហិង្សា

អាមេរិក​​​ឃ្លាំ​មើល​ចំណាត់​ការ​រដ្ឋា​ភិ​បាល​មីយ៉ាន់ម៉ា​លើ​អំពើ​ហិង្សា

130329_17c
ទាហានមីយ៉ាន់ម៉ា យាមការពារទីប្រជុំជនមេទីកឡា កាលពីថ្ងៃទី២២ មីនា AFP

ក្រុងវ៉ាស៊ីនតោនៈ មន្ត្រី​មួយ​រូប​បាន​និយាយ កាល​ពី​ថ្ងៃ​ពុធ អាមេរិក​កំពុង​តែ​តាម​ដាន​យ៉ាង​ដិត​ដល់​លើ​របៀប​ដែល​មេដឹក​នាំ​មីយ៉ាន់ម៉ា​ កម្ចាត់​រលក​នៃ​អំពើ​ហិង្សា​និកាយ​ដោយ​ជំរុញ​ពួក​គេ​ឲ្យ​គោរព​សិទ្ធិ​មនុស្ស​ ក្នុង​ការ​បញ្ចប់​ការ​បង្ហូរ​ឈាម​នេះ​។

អំពើ​ហិង្សា ពុទ្ធសាសនិក-មូស្លីម​នេះ​បាន​ឆក់ ជីវីត​មនុស្ស​៤០​នាក់​ក្នុង​សប្តាហ៍​កន្លង​ទៅ​នេះ ដោយ​ផ្តល់​ឲ្យ​ប្រទេស​អាស៊ីអាគ្នេយ៍​មួយ​នេះ​នូវ​បញ្ហា​ប្រឈម​ធ្ងន់​ធ្ងរ បំផុត​មួយ​ចាប់​តាំង​ពី​របប​គ្រប់គ្រង​ដោយ​យោធា​បាន​លះបង់​អំណាច​ឲ្យ​រដ្ឋាភិបាល​កំណែ​ទម្រង់​កាល​ពី​ឆ្នាំ​មុន​។

លោក​ប្រធានាធិបតី ថេន សេន ដែល​អតីត​អគ្គ​មេបញ្ជាការ​ បាន​ប្រកាស​រដ្ឋ​ក្នុង​គ្រា​អាសន្ន និង​បាន​បញ្ជូន​កម្លាំងទៅ​ស្តារ​សណ្តាប់​ធ្នាប់​ឡើង​​វិញ​។ តែ​ក៏​មាន​ការ​បង្ហាញ​កម្លាំង​យោធា​មួយ​នៅឯ​ពិធី​ព្យុហយាត្រា​យោ​ធា​ប្រចាំ​ ឆ្នាំ​ ពី​ថ្​ងៃពុធ​​ដែល​មេដឹក​នាំបក្ស​ប្រឆាំង​លោក​ស្រី អ៊ុងសាន ស៊ូជី​ បាន​ចូល​រួម​ជា​លើក​ដំបូង។

អ្នក​នាំ​ពាក្យ​រងស្តីទី​នៃ​ក្រសងួ​ការ​បរទេស​ អាមេរិក លោក ប៉ាទ្រីក វេនរេល បាន​ប្រាប់​អ្នក​សារព័ត៌មាន​ថា៖​ «​យើង​ពិត​ជាមាន​កង្វល់​យ៉ាង ខ្លាំង​អំពី​ភាព​ចលាចល​សហគមន៍​ នៅ​ភាគ​កណ្តាល​ប្រទេស​មីយ៉ាន់ម៉ា»។

លោក​បាន​និយាយ​ថា៖ «យើង​កំពុង​ជំរុញឲ្យ​ ក្រុម​អាជ្ញាធម៌​មីយ៉ាន់ម៉ា..ស្តារ​សណ្តាប់​ធ្នាប់ ឡើង​វិញ​និង​រក្សា​សន្តិភាព​ក្នុង​ចរិត​ដែល​គោរព​សិទ្ធិ​មនុស្ស និង​ដំណើរ​ការ​ច្បាប់ ធ្វើ​ដូច្នោះ​នឹង​មាន​តួនាទី​សមរម្យ​សម្រាប់​យោធា»។​

ទោះ ជា​យ៉ាង​នេះ​ក្តី ​លោក​បាន​ទទួល​ស្គាល់​ថា ការ​ផ្លាស់​ប្តូរ​ទៅ​កាន់​ការ​គ្រង​ស៊ីវិល​ពេញ​លេញ​ ​គឺ​ជា​ការ​ងារ​កំពុង​​ដំណើរ​ការ និង​​បាន​បដិ​សេធ​​ថា​ពុំ​បាន​ទាក់ទាញ​ដោយ​សារ​វត្តមាន​លោក​ស្រី​អ៊ុងសាន ស៊ូជី​ នៅ​ក្នុង​ពិធី​ព្យុហយាត្រា នៅ​រដ្ឋធានី ណៃពិដោ​នោះ​ទេ។

មន្ត្រី ​ក្រសួង​ការ​បរទេស​អាមេរិក​ម្នាក់​ និយាយ​ថា៖ «យើង​កំពុង​តាម​ដាន​ ពី​របៀប​ដែល​ពួក​គេ​កំពុង​អនុ​វត្តគោល​ការណ៍​ច្បាប់​របៀប​ឆ្លើយ​តប​នឹង​ ហិង្សា​ជន​ជាតិ​»៕ CC

អត្ថបទគួរចាប់អារម្មណ៍