.jpg)
លោក ស្តេបហែន ប៊ឺហ្គាន់ ថ្លែងនៅក្នុងកិច្ចប្រជុំ ១ នៅទីក្រុងសេអ៊ូល។ Yonhap
ក្រុងសេអ៊ូល៖ អនុរដ្ឋមន្ត្រីការបរទេសអាមេរិក លោក ស្តេបហែន ប៊ឺហ្គាន់ បានថ្លែងកាលពីថ្ងៃពុធថា ក្រុងវ៉ាស៊ីនតោនបានគាំទ្រកិច្ចសហប្រតិបត្តិការអន្តរកូរ៉េ «យ៉ាងពេញទំហឹង» ដោយបានហៅវាថា «ជាផ្នែកសំខាន់» មួយនៅក្នុងការបង្កើតឲ្យមានបរិយាកាស ស្ថិរភាពមួយបន្ថែមទៀត នៅឧបទ្វីបកូរ៉េ។
លោក ស្តេបហែន ប៊ឺហ្គាន់ ដែលបានប្រើតួនាទីជាប្រេសិតពិសេសកំពូលរបស់ក្រុងវ៉ាស៊ីនតោន បានថ្លែងសុន្ទរកថាមួយថា ប្រទេសកូរ៉េខាងត្បូង បានកំពុងស្វះស្វែងឲ្យមានកិច្ចសហប្រតិបត្តិការពីអាមេរិកនៅក្នុងការជំរុញរបស់ខ្លួន ដើម្បីគម្រោងកិច្ចសហប្រតិបត្តិការឆ្លងកាត់ព្រំដែន ដែលបានជាប់គាំង ដោយសារការដាក់ទណ្ឌកម្មពីអន្តរជាតិ។
លោក ស្តេបហែន ប៊ឺហ្គាន់ បានថ្លែងប្រាប់ក្រុមអ្នកកាសែតភ្លាមៗ ក្រោយពីកិច្ចពិភាក្សាជាមួយប្រធានប្រេសិតពិសេសនុយក្លេអ៊ែររបស់កូរ៉េខាងត្បូង គឺលោក លី ឌូ-ហ៊ូន ថា៖ «អាមេ-រិកបានគាំទ្រទាំងស្រុងដល់កិច្ចសហប្រតិបត្តិការអន្តរកូរ៉េ ហើយយើងបានជឿជាក់ថា ការដើរតួនេះ ជាផ្នែកមួយដ៏សំខាន់ក្នុងការបង្កើតបរិយាកាសស្ថិរភាពមួយបន្ថែមទៀតនៅឧបទ្វីបកូរ៉េ»។
លោក ស្តេបហែន ប៊ឺហ្គាន់ បានបន្ថែមថា៖ «យើងទន្ទឹងរង់ចាំ ដើម្បីគាំទ្ររដ្ឋាភិបាលកូរ៉េយ៉ាងពេញទំហឹង ខណៈអាមេរិកមានគោលបំណងរបស់ខ្លួន ជាមួយប្រទេសកូរ៉េខាងជើង នៅក្នុងកិច្ចសហប្រតិបត្តិការអន្តរកូរ៉េ»។
សុន្ទរកថារបស់លោក ស្តេបហែន ប៊ឺហ្គាន់ បានធ្វើឡើងស្របពេលមានការសន្និដ្ឋានថា ក្រុងវ៉ាស៊ីនតោនអាចនឹងខ្វាយខ្វល់អំពីការយកចិត្តទុក-ដាក់ដល់កិច្ចសហប្រតិបត្តិការអន្តរកូរ៉េចំពេលគ្មានការរីកចម្រើនគួរឲ្យកត់សម្គាល់ក្នុងកិច្ចប្រឹងប្រែងលុបបំបាត់កម្មវិធីនុយក្លេអ៊ែរនៅកូរ៉េខាងជើង។
សេចក្តីថ្លែងការណ៍របស់លោកអនុរដ្ឋមន្ត្រីការបរទេសលោកស្រី ឆូ-ស៊ុនហ៊ី បានលើក ឡើងពីកូរ៉េខាងជើង ដែលទាត់ចោលលទ្ធភាពការចរចាជាមួយអាមេរិក៕ Yonhap/SK
