The Phnom Penh Post Search

Search form

អាមេរិក ​និង ​ចិន ប្តេជ្ញា​ធ្វើការ​រួមគ្នា​ដោះស្រាយ​ការ​គំរាម កំហែង​ពី កូរ៉េ​ខាងជើង

Content image - Phnom Penh Post
លោកវ៉ាង យី (ស្តាំ) និង​លោក Tillerson មកដល់​កន្លែង​សន្និសីទ​កាសែត​។ AFP

អាមេរិក ​និង ​ចិន ប្តេជ្ញា​ធ្វើការ​រួមគ្នា​ដោះស្រាយ​ការ​គំរាម កំហែង​ពី កូរ៉េ​ខាងជើង

ក្រុងប៉េកាំងៈ អាមេរិក និង​ចិន​កាលពី​ថ្ងៃសៅរ៍ បាន​ប្តេជ្ញា​ធ្វើការ​រួមគ្នា​ដើម្បី​ដោះស្រាយ​ការគំរាម​កំហែង​ដែល​ត្រូវ​បង្កឡើង​ដោយ​កម្មវិធី​នុយក្លេអ៊ែរ​របស់​កូរ៉េខាងជើង ខណៈ​រដ្ឋមន្ត្រី​ការបរទេស​អាមេរិក​លោក Rex Tillerson បាន​ព្រមាន​ថា ស្ថានការណ៍​ក្នុង​តំបន់ បាន​ឈាន​ដល់​កម្រិត​មួយ​គ្រោះថ្នាក់។

សម្តី​ចេញពី​លោក Tillerson និង​សមភាគី​ចិន​របស់​លោក​ក្រោយពី​កិច្ចពិភាក្សា​នៅ​ក្រុងប៉េកាំង បាន​ស្រុះស្រួល​គ្នា​យ៉ាង​ពិសេស​បំផុត ដែល​នៅមុន​ព្រឹត្តិការណ៍​នេះ​កើត​ឡើង ប្រធានាធិបតី​អាមេរិក លោក​ដូណាល់ ត្រាំ បាន​ចោទប្រកាន់​ចិន​ពីបទ​មិនបាន​ធ្វើអ្វី​សោះ ដើម្បី​គ្រប់គ្រង​អ្នកជិតខាង​ឯកោ​របស់​ខ្លួន ខណៈ​ក្រុង​ប៉េកាំង បាន​ស្តីបន្ទោស​ក្រុង​វ៉ាស៊ីនតោន​ពីបទ​បង្កភាព​អារិភាព​ជា​ច្រើន។

លោក Tillerson បាន​និយាយ​ក្រោយពី​ការពិភាក្សា​ជាមួយ​រដ្ឋមន្ត្រី​ការបរទេស​ចិន​លោក​វ៉ាង យីថា៖ «ខ្ញុំ​គិតថា យើង​មាន​ទស្សនៈ និង​សុភវិនិច្ឆ័យ​រួមថា បច្ចុប្បន្ន​នេះ ភាព​តានតឹង​នៅក្នុង​ឧបទ្វីប​នោះ​ពិតជា​ខ្ពស់​ណាស់ និង​ថា បញ្ហា​ជាច្រើន​បានដល់​កម្រិត​មួយ​ដ៏​គ្រោះថ្នាក់»។ «យើង​នឹង​ធ្វើការ​ជាមួយគ្នា​ដើម្បី​ឲ្យដឹង​ថា​តើយើង​អាច​នាំ​រដ្ឋាភិបាល​ក្រុង​ព្យុងយ៉ាង​ទៅកន្លែង​មួយ​ដែល​ពួកគេ​ចង់​ធ្វើការ​ផ្លាស់ប្តូរ​ទិសដៅ​ខុសគ្នា ចង់​ធ្វើ​ការកែ​តម្រូវ និងចង់​ដកខ្លួន​ចេញពី​ការផលិត​នុយក្លេអ៊ែរ»។

លោក Rex Tillerson បាន​មកដល់​ក្រុង​ប៉េកាំង​កាល​ព្រឹក​ថ្ងៃសៅរ៍​ក្រោយ​ពីបំពេញ​ទស្សនកិច្ច​សម្ព័ន្ធ​មិត្ត​ជប៉ុន និង​កូរ៉េខាងត្បូង​ជាទី​ដែល​លោកបាន​និយាយថា អាមេរិក​នឹង​ឈប់​ប្រព្រឹត្ត​តាម​មធ្យោបាយ​ការទូត​អត់ធ្មត់​បរាជ័យ​នោះ​ទៀត​ហើយ ដោយបាន​ព្រមាន​ថា វិធានការ​យោធា​អាមេរិក​ប្រឆាំង​នឹង​កូរ៉េខាងជើង​គឺជា​ជម្រើស​មួយ «នៅលើ​តុ»៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។