ក្រុងរីយ៉ាដ៖ ទ័ពអាកាសរបស់ប្រទេស អារ៉ាប៊ី សាអ៊ូឌីត បានបាញ់ទម្លាក់គ្រាប់មីស៊ីលបាលីស្ទិក ទៅលើទីក្រុងរីយ៉ាដ និងទីក្រុងមួយទៀត នៅតាមព្រំដែនប្រទេស យេម៉ែន កាលពីថ្ងៃសៅរ៍ ដោយបានបណ្តាលឲ្យក្រុមជនស៊ីវិលយ៉ាងតិច ២ នាក់ រងរបួសនៅក្នុងរដ្ឋធានីបានបិទឲ្យដាក់បម្រាមគោចរ ចំពេលមានកិច្ចខិតខំប្រឹងប្រែង ដើម្បីទប់ស្កាត់ការឆ្លងរីករាលដាលមេរោគកូរ៉ូណាផ្លូវដង្ហើមប្រភេទថ្មីមួយនេះ។
ការបាញ់ទម្លាក់មីស៊ីលបាលីស្ទិកជាច្រើនគ្រាប់ បានធ្វើឲ្យទីក្រុងរីយ៉ាដញ័រកក្រើកនៅក្នុងការវាយប្រហារ ដែលក្រុមចម្រុះយោធាបានដឹកនាំដោយប្រទេស អារ៉ាប៊ី សាអ៊ូឌីត បានស្តីបន្ទោសទៅលើក្រុមឧទ្ទាមហ៊ូធីមានសម្ព័ន្ធមិត្តជាមួយប្រទេស អ៊ីរ៉ង់ នៅយេម៉ែន ដែលកាលពីពេលកន្លងទៅ បានកំណត់គោលដៅទៅលើទីក្រុងមួយចំនួនរបស់ប្រទេស អារ៉ាប៊ី សាអ៊ូឌីត ជាមួយមីស៊ីលគ្រាប់រ៉ុក្កែត និងយន្តហោះដ្រូនជាច្រើនគ្រឿង នៅក្នុងការវាយប្រហារនោះ។
នេះគឺជាការវាយប្រហារទ្រង់ទ្រាយធំលើកដំបូង ទៅលើប្រទេស អារ៉ាប៊ី សាអ៊ូឌីត ចាប់តាំងពីក្រុមឧទ្ទាមហ៊ូធីកាលពីចុងខែកញ្ញា បានផ្តល់ជូនថា នឹងឈប់វាយប្រហារនានា ទៅលើព្រះរាជាណាចក្រនេះ ក្រោយពីការវាយប្រហារបំផ្លិចបំផ្លាញ ២ លើក ទៅលើរោងចក្រផលិតប្រេងរបស់ប្រទេស អារ៉ាប៊ី សាអ៊ូឌីត។
ទីភ្នាក់ងារសារព័ត៌មានអារ៉ាប៊ី សាអ៊ូឌីត ផ្លូវការបានរាយការណ៍ថា៖ «មីស៊ីលបាលីស្ទិក ២ គ្រាប់ ត្រូវបានបាញ់សំដៅទៅលើទីក្រុងរីយ៉ាដ និងទីក្រុងជីហ្សាន» ដោយបានលើកឡើងអំពីក្រុមចម្រុះយោធាអារ៉ាប៊ី សាអ៊ូឌីត ដែលបានវាយប្រហារទៅលើក្រុមឧទ្ទាមហ៊ូធី។
អ្នកនាំពាក្យការពារជនស៊ីវិលបានថ្លែងនៅក្នុងសេចក្តីថ្លែងការណ៍ដាច់ដោយឡែកពីគ្នាមួយ ដែលបានចេញផ្សាយដោយទីភ្នាក់ងារ SPA ថា ការបាញ់ទម្លាក់មីស៊ីលរបស់យោធាអារ៉ាប៊ី សាអ៊ូឌីត បានធ្វើឲ្យកម្ទេចគ្រាប់ធ្លាក់ទៅលើសង្កាត់លំនៅឋានមួយចំនួននៅក្បែរខាង នៅក្នុងទីក្រុងខ្លះនៅទីនោះ ដោយបានបង្កឲ្យជនស៊ីវិល ២ នាក់រងរបួស នៅក្នុងទីក្រុងរីយ៉ាដ។
មិនមានការធ្វើអត្ថាធិប្បាយភ្លាមៗ ចេញពីក្រុមឧទ្ទាមនៅឡើយទេ។
យោងតាមក្រុមអ្នកកាសែត AFP បានឲ្យដឹងថា មីស៊ីលបាលីស្ទិកយ៉ាងតិច ៣ គ្រាប់ បានផ្ទុះនៅក្នុងទីក្រុងរីយ៉ាដ ស្ថិតនៅក្រោមការដាក់បម្រាមគោចរវីរុសកូរ៉ូណារយៈពេល ១៥ ម៉ោង នៅមុនពាក់កណ្តាលយប់អាធ្រាត្រ។ ទីក្រុងជីហ្សានក៏ដូចជាទីក្រុងរបស់ប្រទេស អារ៉ាប៊ី សាអ៊ូឌីត ជាច្រើនផ្សេងទៀតផងដែរ បានប្រឈមមុខការដាក់បម្រាមគោចរនៅពេលយប់រយៈពេលខ្លី។
ការវាយប្រហារបានកើតឡើង ទោះបីជាមានការបង្ហាញអំពីការគាំទ្រមួយកាលពីថ្ងៃព្រហស្បតិ៍របស់ក្រុមភាគីសង្គ្រាមទាំងអស់នៅយេម៉ែនក្តី ក៏អង្គការសហប្រជាជាតិបានអំពាវនាវឲ្យមានបទឈប់បាញ់មួយ ដើម្បីការពារក្រុមជនស៊ីវិលមិនឲ្យឆ្លងរីករាលដាលវីរុសផ្លូវដង្ហើមកូរ៉ូណាប្រភេទថ្មីមួយនេះ។
ប្រទេស អារ៉ាប៊ី សាអ៊ូឌីត រដ្ឋាភិបាលយេម៉ែន និងក្រុមឧទ្ទាមហ៊ូធីគ្រប់ភាគីទាំងអស់បានបង្ហាញនូវការស្វាគមន៍មួយចេញពីអគ្គលេខាធិការអង្គការសហប្រជាជាតិលោក អង់តូនីញ៉ូ ហ្គុយតឺរេស «ឲ្យមានបទឈប់បាញ់សកលជាបន្ទាន់» មួយ ដើម្បីជួយទប់ស្កាត់គ្រោះមហន្តរាយដល់មនុស្សស្លូតត្រង់៕ AFP/SK