.jpg)
អារ៉ាប៊ី សាអ៊ូឌីត កាលពីថ្ងៃចន្ទ ទី ២២ មីនា បានផ្តល់សំណើផែនការឈប់បាញ់គ្នាដល់ក្រុមឧទ្ទាមហ៊ូធី នៅក្នុងប្រទេសយេម៉ែន ដែលរួមមានការបើកដំណើរការព្រលានយន្តហោះសំខាន់របស់ពួកគេ ដែលជាការព្យាយាមចុងក្រោយបង្អស់របស់រាជាណាចក្រនេះ ដើម្បីបញ្ឈប់ការប្រយុទ្ធជាច្រើនឆ្នាំនៅក្នុងសង្គ្រាម ដែលបានបង្កឱ្យមានវិបត្តិមនុស្សធម៌ដ៏អាក្រក់បំផុតរបស់ពិភពលោក។
សកម្មភាពនេះកើតឡើងបន្ទាប់ពីក្រុមឧទ្ទាមបានបើកយុទ្ធនាការវាយប្រហារដោយប្រើប្រាស់យន្តហោះដ្រូន និងមីស៊ីលទៅលើទីតាំងស្តុក និងផលិតប្រេងរបស់អារ៉ាប៊ី សាអ៊ូឌីត ធ្វើឱ្យមានការរញ្ជួយតម្លៃថាមពលជុំវិញពិភពលោកមួយរយៈពេលខ្លី៕
