.jpg)
បេក្ខជនអធិការបតី លោកស្រី Annalena Baerbock ដែលមកពីគណបក្ស The Greens នៃប្រទេសអាល្លឺម៉ង់បាននិយាយថា លោកស្រីចង់បានជំហរតឹងរ៉ឹងជាងមុនពីប្រទេសអាល្លឺម៉ង់ ដើម្បីដោះស្រាយការឈ្លានពានរបស់រុស្ស៊ីនៅអ៊ុយក្រែន និងមហិច្ឆតាសកលរបស់ចិន។
លោកស្រី Baerbock បាននិយាយថា៖ «ការបង្កើនសម្ពាធទៅលើប្រទេសរុស្ស៊ីលើសមយុទ្ធយោធាថ្មីៗនៅជិតប្រទេសអ៊ុយក្រែន គួរតែជាបញ្ហាអាទិភាពដែលប្រទេសអាល្លឺម៉ង់គួរដោះស្រាយ» ។
លោកស្រី Baerbock បាននិយាយបន្ថែមទៀតថា ការធានាឱ្យមានស្ថិរភាពរវាងអ៊ុយក្រែន និងរុស្ស៊ីគួរតែយកចិត្តទុកដាក់លើមហិច្ឆតារបស់អ៊ុយក្រែន ដែលត្រូវដាក់បញ្ចូលទៅក្នុងសហភាពអឺរ៉ុប និងសម្ព័ន្ធណាតូ។
លោក Baerbock បាននិយាយថា ការគាំទ្រនយោបាយសម្រាប់គម្រោងបំពង់បង្ហូរឧស្ម័ន Nord Stream 2 របស់រុស្ស៊ីឆ្លងកាត់សមុទ្របាល់ទិកទៅកាន់ប្រទេសអាល្លឺម៉ង់ នេះត្រូវតែដកចេញ។ គណបក្ស The Greens បានជំទាស់នឹងគម្រោងបំពង់បង្ហូរឧស្ម័ន ដែលក្រុមអ្នករិះគន់និយាយថា នឹងធ្វើឱ្យសន្តិសុខថាមពលអឺរ៉ុប និងអាល្លឺម៉ង់ចុះខ្សោយ។
បន្ថែមពីនេះលោកស្រី Baerbock បាននិយាយពីទំនាក់ទំនងអាល្លឺម៉ង់ និងអឺរ៉ុបជាមួយចិនផងដែរ។ លោកស្រីបាននិយាយថា ទំនាក់ទំនងអាល្លឺម៉ង់ និងប្រទេសចិន គឺជាការប្រកួតប្រជែងនៃប្រព័ន្ធដែលជាកន្លែងកម្លាំងផ្តាច់ការធៀបនឹងលទ្ធិប្រជាធិបតេយ្យសេរី។ លោកស្រីបានពណ៌នាពីគម្រោងផ្លូវ១ ខ្សែក្រវាត់១ របស់ប្រទេសចិនជាជាផ្នែកមួយនៃយោបាយខ្លាំងក្លារបស់ប្រទេសនោះ៕
