The Phnom Penh Post Search

Search form




Logo of Phnom Penh Post newspaper Phnom Penh Post - អាល្លឺម៉ង់ ​គាំទ្រ​​ដំណោះ​ស្រាយ​រដ្ឋ ​២ ​ចំពោះ​​ជម្លោះ​អ៊ីស្រាអែល និង​ប៉ាឡេស្ទីន

អាល្លឺម៉ង់ ​គាំទ្រ​​ដំណោះ​ស្រាយ​រដ្ឋ ​២ ​ចំពោះ​​ជម្លោះ​អ៊ីស្រាអែល និង​ប៉ាឡេស្ទីន

Content image - Phnom Penh Post
លោក​រដ្ឋមន្ត្រី​ការ​បរទេស​អាល្លឺម៉ង់ ​Heiko Maas (ឆ្វេង) ជួប​ជាមួយ​នឹង​សមភាគី​ហ្ស៊កដានី ​លោក​ Ayman Safadi កាល​ពី​ថ្ងៃ​ទី ៩ ខែ មិថុនា​។ AFP

អាល្លឺម៉ង់ ​គាំទ្រ​​ដំណោះ​ស្រាយ​រដ្ឋ ​២ ​ចំពោះ​​ជម្លោះ​អ៊ីស្រាអែល និង​ប៉ាឡេស្ទីន

ក្រុង​អាម៉ាន់ៈ ​អ្នក​ការ​ទូត​កំពូល​​អាល្លឺម៉ង់​កាល​ពី​ថ្ងៃ​អាទិត្យ ​បាន​បញ្ជាក់​អះអាង​ជា​ថ្មី​ថា​ ​ប្រទេស​របស់​លោក​គាំទ្រ​ដំណោះស្រាយរដ្ឋ ​២ ចំពោះ​ជម្លោះ​អ៊ីស្រាអែល ​និង​ប៉ាឡេស្ទីន ​នៅ​មុន​​ផែនការ​សន្តិភាព​អាមេរិក​ ដែល​ទន្ទឹង​រង់ចាំ​អស់​រយៈពេល​ជា​យូរ​នោះ។​

លោក​ Heiko Maas ​បាន​ថ្លែង​នៅ​អំឡុង​ពេល​សន្និសីទ​កាសែត​នៅ​ក្រុង​អាម៉ាន់ ​ជាមួយ​សមភាគី​ហ្ស៊កដានី​របស់​លោក​ថា​៖ «​យើង​នៅ​តែ​ស្ថិត​នៅ​ក្នុង​កិច្ច​ព្រមព្រៀង​ដែល​ឈាន​ទៅ​រក​ដំណោះ​ស្រាយ​រដ្ឋ ​២ ​តាមរយៈ​ការ​ចរចា​នោះ គឺ​មាន​តែ​ដំណោះ​ស្រាយ​មួយ​តែ​ប៉ុណ្ណោះ​ទើប​អាច​ដោះ​ស្រាយ​បញ្ហា​នេះ​បាន​»​។​

ក្រុង​វ៉ាស៊ីនតោន ​កំពុង​រៀបចំ​ដាក់​ចេញ​ទិសដៅ​សេដ្ឋកិច្ច​នៃ​ផែនការ​របស់​ខ្លួន​នៅ​ឯ​សន្និសីទ​កាសែត​មួយ​នៅ​ប្រទេស ​បារ៉ែន ​នៅ​ចុង​ខែ​នេះ ​ ប៉ុន្តែ​វា​នៅ​មិន​ទាន់​ច្បាស់​នៅ​ឡើយ​ទេ​ថា ​តើ​គោល​នយោបាយ​លម្អិត​របស់​ខ្លួន​នឹង​ត្រូវ​លាត​ត្រដាង​ឲ្យ​ដឹង​នៅ​ពេល​ណា​នោះ​ទេ​។​

ប៉ាឡេស្ទីន​ បាន​ទាត់​ចោល​កិច្ច​ព្រមព្រៀង​នោះ​រួច​ហើយ ​ដោយ​បាន​លើក​ឡើង​អំពី​វិធានការ​នានា​របស់​​លោក​ប្រធានាធិបតី​អាមេរិក​ ដូណាល់​ ត្រាំ​ ដែល​ពួក​គេ​និយាយ​ថា រដ្ឋ​ការ​របស់​លោក ​ត្រាំ ​ធ្វើ​ឡើង​ដោយ​មាន​ភាព​លម្អៀង​។​

រដ្ឋមន្ត្រី​ការ​បរទេស​ហ្ស៊កដានី​លោក​ Ayman Safadi ​បាន​ថ្លែង​ថា​៖ «​យើង​ និង​អាល្លឺម៉ង់ ​បាន​ឯកភាព​គ្នា​ថា​ ដំណោះ​ស្រាយ​រដ្ឋ​ ​២ គឺ​ជា​មធ្យោបាយ​តែ​មួយ​គត់​ ដើម្បី​បញ្ចប់​ជម្លោះ​អ៊ីស្រាអែល-ប៉ាឡេស្ទីន»​។​

លោក ​Maas ​និង​លោក​ Safadi បាន​ជួប​គ្នា ​១ ថ្ងៃ​ ក្រោយ​ពី​អគ្គ​រដ្ឋ​ទូត ​US ជួប​លោក ​Friedman​៕ AFP/SK

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។