ក្រុងសេអ៊ូល៖ ក្រសួងការពារជាតិបានថ្លែងកាលពីថ្ងៃចន្ទថា អាវុធធុនធ្ងន់ជាច្រើនប្រភេទទាំងផលិត នៅក្នុងស្រុក និងនាំពីបរទេស នឹងត្រូវបានដាក់តាំងបង្ហាញនៅកូរ៉េខាងត្បូងក្នុងសប្តាហ៍នេះ នៅក្នុងការតាំងពិព័រណ៍ការពារជាតិ និងដែនអាកាសអន្តរជាតិដ៏ធំមួយរៀងរាល់ ២ ឆ្នាំម្តង។
យោងតាមក្រសួងការពារជាតិបានឲ្យដឹងថា ការតាំងពិព័រណ៍ការពារជាតិ និងដែនអាកាសអន្តរជាតិក្រុងសេអ៊ូល (ADEX) ឆ្នាំ ២០១៩ គ្រោងរៀបចំបើកសម្ពាធនៅថ្ងៃអង្គារនេះ ហើយដំណើរការរហូតដល់ថ្ងៃអាទិត្យនៅព្រលានយន្តហោះសេអ៊ូល នៅទីក្រុង Seongnam នៅខាងត្បូង ក្រុងសេអ៊ូល។
ព្រឹត្តិការណ៍រៀងរាល់ ២ ឆ្នាំម្តង ដែលមានគោលបំណង ដើម្បីលើកស្ទួយផ្នែកការពារជាតិ និងដែនអាកាសរបស់ប្រទេសមួយនេះ និងធ្វើឲ្យការផ្លាស់ប្តូរនៃបច្ចេកវិទ្យាសកលបានល្អប្រសើរឡើង ហើយត្រូវបានដាក់តាំងបង្ហាញជាលើកដំបូងនៅឆ្នាំ ១៩៩៦ ថា ជាការតាំងពិព័រណ៍បច្ចេកវិទ្យាដែនអាកាសនៅក្រុងសេអ៊ូល ហើយត្រូវបានពង្រីក ដើម្បីរួមបញ្ចូលគ្នាអំពីការតាំងពិព័រណ៍សម្ភារយោធានៅមូលដ្ឋានទ័ពថ្មើរជើងនៅឆ្នាំ ២០០៩។
យោងតាមក្រសួងនោះ បានឲ្យដឹងថា ការតាំងពិព័រណ៍ឆ្នាំនេះជាលើកទី ១២ នៃការបង្ហាញបច្ចេកវិទ្យារបស់ខ្លួន នឹងដាក់បញ្ចូលក្រុមហ៊ុនការពារប្រហែល ៤៣០ រួមគ្នាមកពី ៣៤ ប្រទេស ហើយជាព្រឹត្តិការណ៍ធំបំផុតដែលមិនធ្លាប់មានពីមុននៅក្នុងប្រទេសនេះ។ ក្រុមហ៊ុនទាំងអស់នោះនឹងបង្កើតតូបតាំងពិព័រណ៍សរុបចំនួន ១ ៧៣០ កន្លែង ដើម្បីផ្សព្វផ្សាយផលិតផលរបស់ពួកគេ។
នៅកន្លែងតាំងបង្ហាញ មានប្រភេទយន្តហោះចម្បាំងខុសៗគ្នាជាច្រើន ដូចជាយន្តហោះគ្មានមនុស្សបើក និងប្រព័ន្ធអាវុធជាច្រើនទៀតនឹងត្រូវដាក់តាំងបង្ហាញឲ្យទស្សនា។
កូរ៉េខាងត្បូងនឹងដាក់បង្ហាញសម្ភារយុទ្ធសាស្ត្រជាច្រើនទៀត ដូចជាយន្តហោះ F-35As ជាដើម៕ Yonhap