បណ្តាប្រទេសអាស៊ីជាច្រើនកំពុងពន្លឿនការចាក់វ៉ាក់សាំង AstraZeneca ខណៈខាងប៉ែកអឺរ៉ុបហាក់នៅមិនទាន់មានទំនុកចិត្តលើសុវត្ថិភាពរបស់វ៉ាក់សាំងនេះនៅឡើយ ក្រោយមានសេចក្តីរាយការណ៍ថា មានករណីកកឈាមនៅក្នុងសរសៃ ក្រោយចាក់វ៉ាក់សាំងរួចកាលពីដើមខែនេះ។
ក្រោយពីផ្អាកការចែកចាយវ៉ាក់សាំងនេះមួយរយៈពេលខ្លីមក បណ្តាប្រទេសអឺរ៉ុបមួយចំនួនបានបន្តប្រើប្រាស់វ៉ាក់សាំងនេះឡើងវិញ ក្រោយអ្នកជំនាញបញ្ជាក់ថា វ៉ាក់សាំងនេះមានសុវត្ថិភាពក្នុងការប្រើប្រាស់ ប៉ុន្តែមេដឹកនាំប្រទេសអឺរ៉ុបមួយចំនួននៅមានភាពមន្ទិល និងមិនទាន់ទុកចិត្តប្រើប្រាស់វ៉ាក់សាំងនេះវិញនៅឡើយ៕