The Phnom Penh Post Search

Search form




Logo of Phnom Penh Post newspaper Phnom Penh Post - អូបាម៉ា​បញ្ចប់​ទស្សនកិច្ច​អាមេរិក​ឡាទីន

អូបាម៉ា​បញ្ចប់​ទស្សនកិច្ច​អាមេរិក​ឡាទីន

អូបាម៉ា​បញ្ចប់​ទស្សនកិច្ច​អាមេរិក​ឡាទីន

130506_18a
លោកស្រី ឡូរ៉ា (ស្តាំ) និងនាយកសាកលវិទ្យាល័យអបអរលោកអូបាម៉ា AFP

ក្រុងសាន់ចូសេៈ ប្រធានាធិបតី អាមេរិក​លោក​បារ៉ាក់ អូបាម៉ា បាន​ផ្តាត​សំខាន់​លើ​ទំនាក់ទំនង​សេដ្ឋកិច្ច​ជាមួយ​តំបន់​អាមេរិក ឡាទីន​កាលពី​ថ្ងៃ​សៅរ៍ ខណៈ​លោក​បាន​បញ្ចប់​ដំណើរ​ទស្សនកិច្ច​បី​ថ្ងៃ ទៅ​កាន់​តំបន់​ដែល​ល្អក់កករ​ដោយ ហិង្សា​ថ្នាំញៀន​នោះ។

លោក​អូបាម៉ា​បាន​ព្យាយាម​បង្វែរ​ការ​ចរចា​ចេញ​ពី​សង្គ្រាម​ថ្នាំញៀន​ក្នុង​អំឡុង​ទស្សនកិច្ច​ទៅ កាន់​ប្រទេស​ម៉ិកស៊ិក​និង​កូស្តារីកា កាល​ចុង​សប្តាហ៍​មុន​ដោយ​លើក​សរសើរ​ការ​ធ្វើ​ពាណិជ្ជកម្ម​ថា ជា​មាគ៌ា​ឆ្ពោះ​ទៅ​ប្រយុទ្ធ​ប្រឆាំង​នឹង​ភាព​ក្រីក្រ និង​បង្កើត​ការងារ​ដែល​ជំរុញ​ឲ្យ​យុវជន​ចាកចេញ​ពី​ជីវិត​ក្នុង​ឧក្រិដ្ឋកម្ម​។

មុន​ពេល​ហោះហើរ​ត្រឡប់​មក​ក្រុង​វ៉ាស៊ីនតោន​វិញ លោក​អូបាម៉ា បាន​ប្រាប់​វេទិកា​សេដ្ឋកិច្ច​មួយ​នៅក្នុង​ក្រុង​សាន់ ចូសេ រួម​ជាមួយ​ប្រធានាធិបតី​កូស្តា រីកា លោកស្រី ឡូរ៉ា ឈិនឈីឡា​ថា​៖​«អាមេរិក​ទទួល​ថា ជោគវាសនា​របស់​យើង​គឺ​ផ្សារ​ភ្ជាប់​ជាមួយ​នឹង​ជោគជ័យ​របស់​អ្នក»។

មួយ​ថ្ងៃ​បន្ទាប់ពី​ចូលរួម​ជំនួប​កំពូល​ជាមួយ​ក្រុម​មេ​ដឹកនាំ​អាមេរិក​កណ្តាល​លោក​បាន​ថ្លែង​ថា​៖​«វា​ជា​ភាព​ជា​ដៃ​គូ​មួយ​ដែល​ផ្អែក​លើ​សមភាព និង​ការ​គោរព​គ្នា​ទៅវិញ​ទៅមក ផល​ប្រយោជន៍​ទៅវិញ​ទៅមក​។ បើ​សិន​ជា​អ្នក​កំពុង​ធ្វើ​បាន​យ៉ាងល្អ យើង​ក៏​នឹង​ធ្វើ​បាន​កាន់​តែ​ប្រសើរ»។

មេ​ដឹកនាំ​អាមេរិក ដែល​កំពុង​សម្លឹង​លើ​បញ្ហា​ក្នុង​ស្រុក​រូប​នេះ ក៏ បាន​សង្កត់​ធ្ងន់​ពី​ការ​ធ្វើ​ពាណិជ្ជកម្ម​ជាមួយ​ក្រុម​ប្រទេស​ជិតខាង​ជា​មធ្យោបាយ​មួយ​ដើម្បី​បង្កើត​ការងារ​នៅ​អាមេរិក​មួយ​ថ្ងៃ​បន្ទាប់ពី​របាយការណ៍​ការងារ​បាន​បង្ហាញ ថា អត្រា​ការងារ​ធ្វើ​កំពុង​ធ្លាក់​ចុះ​មក​ដល់​៧,៥​ភាគរយ។

នៅក្នុង​សុន្ទរកថា​តាម​វិទ្យុ​ប្រចាំ​សប្តាហ៍​មុន​លោក​បាន​ថ្លែង​ថា​៖​«អាមេរិក​ឡាទីន​តំណាង​ឲ្យ​ឱកាស​មិន​គួរ​ឲ្យ​ជឿ​មួយ​សម្រាប់​អាមេរិក​ជាពិសេស​នៅពេល​ដែល​វា​ក្លាយ​ជា អាទិភាព​កំពូល​របស់​ខ្ញុំ​ក្នុង​នាម​ជា​ប្រធានាធិបតី​បង្កើត​ការងារ​វណ្ណៈ​កណ្តាល​ល្អ»។

លោក​បាន​ថ្លែង​ថា ការ​នាំ​ចេញ​របស់​អាមេរិក​ទៅ​ទ្វីប​អាមេរិក​និង​ការ​ធ្វើ​ពាណិជ្ជកម្ម​របស់​អាមេរិក​ជាង​៤០​ភាគរយ​មាន​ការ​កើនឡើង​រហ័ស​ជាង​នៅក្នុង​ទ្វីប​ផ្សេង​ទៀត​ក្នុង​ពិភពលោក​។

លោក​អូបាម៉ា​បាន​និយាយ​ថា​៖​«នោះ​ហើយ​ជា​មូលហេតុ​ដែល​ខ្ញុំ​បំពេញ​ទស្សនកិច្ច​នៅ​អាមេរិក​ឡាទីន ក្នុង​សប្តាហ៍​នេះ ដើម្បី​ធ្វើការ​ជាមួយ​ក្រុម​មេ​ដឹកនាំ​ដើម្បី​ពង្រឹង​ទំនាក់ទំនង​សេដ្ឋកិច្ច​របស់​យើង​និង​ពង្រីក​ពាណិជ្ជកម្ម​រវាង​ប្រទេស​យើង​ទាំង​ពីរ»។

នៅឯ​វេទិកា​សេដ្ឋកិច្ច​នោះ​លោក​អូបាម៉ា​បាន​ថ្លែង​ថា ក្រុម​មេ​ដឹកនាំ​អាមេរិ​កណ្តាល​បាន​លើក​ឡើង​ពី​ថាមពល​នៅ​ក្នុង​ការ​ពិភាក្សា​របស់​ពួកគេ​នៅឯ​ជំនួប​កំពូល​មួយ​កាលពី​រាត្រី​ថ្ងៃ​សុក្រ​ហើយ​ពួកគេ​ក៏​បាន​ចែក​រំលែក​គោល​បំណង​នៃ​ប្រភព​ថាមពល​កកើត​ឡើង​វិញ​បន្ថែម​ទៀត៕ IN

អត្ថបទគួរចាប់អារម្មណ៍