អ្នកពិនិត្យឱសថអូស្ត្រាលីនឹងធ្វើការស៊ើបអង្កេតលើករណីស្លាប់ចំនួន ២ ដែលអាចនឹងទាក់ទងនឹងវ៉ាក់សាំងកូវីដ ១៩ កំពុងបង្កើនការព្រួយបារម្ភថ្មីៗ ខណៈដែលប្រទេសនេះព្យាយាមពន្លឿនយុទ្ធនាការចាក់វ៉ាក់សាំងរបស់ខ្លួន។
រដ្ឋបាលផ្នែកព្យាបាលរោគរាតត្បាត (TGA) បានឱ្យដឹងកាលពីថ្ងៃព្រហស្បតិ៍ ថា៖ « របាយការណ៍ស្ដីអំពីករណីស្លាប់ទាំង ២ ករណីបន្ទាប់ពីការចាក់វ៉ាក់សាំងនោះកំពុងត្រូវបានគេពិនិត្យ ដើម្បីវាយតម្លៃលទ្ធភាព និងកត្តាផ្សេងៗ ដែលអាចបង្កឱ្យប៉ះពាល់ដល់ជីវិត»។
ប្រព័ន្ធផ្សព្វផ្សាយអូស្ត្រាលីរាយការណ៍ថាបុរស ២ នាក់បានស្លាប់នៅរដ្ឋ New South Wales បន្ទាប់ពីបានចាក់វ៉ាក់សាំងរួច។
គួរបញ្ជាក់ផងដែរថា កាលពី ២ សប្តាហ៍មុន ប្រទេសនេះក៏បានរកឃើញពីករណីស្លាប់ ដោយសារកកឈាមក្នុងសរសៃ ដែលទាក់ទងនឹងវ៉ាក់សាំង AstraZeneca។ នេះបើតាមឱ្យដឹងពីអ្នកពិនិត្យឱសថអូស្ត្រាលី៕