អាជ្ញាធរអេត្យូពីបានចាប់ខ្លួនមនុស្ស ១៥ នាក់ ពីបទរៀបចំផែនការវាយប្រហារស្ថានទូតអារ៉ាប់រួមនៅក្នុងរដ្ឋធានីអាឌីស អាបេបា។
យោងតាមសេចក្តីថ្លែងការណ៍របស់ទីភ្នាក់ងារព័ត៌មានរដ្ឋ FANA បានឱ្យដឹងថា អាវុធគ្រឿងផ្ទុះមួយចំនួន និងឯកសារដែលមិនបានបញ្ជាក់ច្បាស់លាស់ ត្រូវបានរឹបអូសក្នុងអំឡុងពេលប្រតិបត្តិការនេះ។ ប្រភពដដែលបានបន្តថា ក្រុមនេះបានទទួលយកបេសកកម្មពីក្រុមភេរវករបរទេសហើយកំពុងរៀបចំធ្វើឱ្យមានការខូចខាតយ៉ាងខ្លាំងដល់ទ្រព្យសម្បត្តិ និងជីវិតមនុស្ស។
យ៉ាងណាមិញ នៅមិនទាន់មានការអត្ថាធិប្បាយភ្លាមៗណាមួយពីសំណាក់ក្រសួងការបរទេសរបស់អារ៉ាប់រួម ឬស្ថានទូតរបស់ខ្លួននៅទីក្រុង អាឌីស អាបេបា នោះទេ៕