ក្រុងតេអេរ៉ង់ៈ ប្រទេសអ៊ីរ៉ង់ បានថ្លែងថា យន្តហោះដ្រូនមិនស្គាល់អត្តសញ្ញាណមួយបានធ្លាក់នៅជិតព្រំដែនរបស់ខ្លួន ជាមួយប្រទេសអាស៊ែបៃហ្សង់ កាលពីថ្ងៃអង្គារ ខណៈក្រុងបាគូ និងយេរ៉េវ៉ាន់ បានចោទប្រកាន់គ្នាទៅវិញទៅមក ពីបទរំលោភបទឈប់បាញ់មួយនៅក្នុងការប្រយុទ្ធគ្នា ជុំវិញតំបន់ណាហ្គូរណូ និងការ៉ាបាក់ហ៍។
អភិបាលរងខេត្ត គឺលោក ប៊ីហ៍រូស នីដាយី បានថ្លែងប្រាប់ទីភ្នាក់ងារសារព័ត៌មានរដ្ឋ IRNA ថា យន្តហោះដ្រូនបានធ្លាក់នៅក្នុងភូមិមួយ នៅតំបន់ប៉ារសាបាដ ខេត្តអារឌែលប៊ីល នៅតាមបណ្តោយព្រំដែនភាគខាងជើងប្រទេសអ៊ីរ៉ង់។
លោកបានថ្លែងថា៖ «អត្តសញ្ញាណរបស់យន្តដ្រូន និងមូលហេតុអំពីការធ្លាក់របស់វា នៅក្នុងតំបន់នោះ ត្រូវបានកំពុងស៊ើបអង្កេត» ដោយបានរាយការណ៍ថា គ្មានការខូចខាតនោះទេ។
យោងតាមទីភ្នាក់ងារសារព័ត៌មានរដ្ឋ IRNA បានឲ្យដឹងថា យន្តដ្រូននោះ «អាចនឹងជារបស់ប្រទេសអាស៊ែបៃហ្សង់ ឬរបស់ទាហានប្រទេសអាមេនី បានហោះទៅវាយប្រហារ ហួសព្រំដែនភាគខាងជើងប្រទេសអ៊ីរ៉ង់៕ SK