ក្រុងតេអេរ៉ង់ៈ ប្រទេស អុីរ៉ង់ បាននិយាយកាលពីថ្ងៃអាទិត្យថា ជោគវាសនារបស់នាវាមានទង់ជាតិអង់គ្លេសដែលខ្លួនបានបដិសេធមិនប្រគល់ឲ្យវិញក្រោយពីចាប់នាវានៅក្នុងឈូងសមុទ្រ អាស្រ័យទៅលើកិច្ចសហការរបស់យានិករបស់នាវានេះលើការស៊ើបអង្កេត។
មន្ត្រីជាន់ខ្ពស់ម្នាក់ក៏បានថ្លែងថា នាវិកទាំងអស់នៅក្នុងនាវាដឹកប្រេង Stena Impero មានសុខភាពល្អទេ។
នាវានោះ មានសមាជិកនាវិក ២៣ នាក់ បានចតនៅកំពង់ផែ Bandar Abbas ក្រោយពីកងការពារបដិវត្តន៍អ៊ិស្លាមបានចាប់នៅច្រកសមុទ្រ Hormuz កាលពីថ្ងៃសុក្រ។
កងការពារបដិវត្តន៍នោះកាលពីថ្ងៃសៅរ៍ បានបញ្ចេញវីដេអូដែលបង្ហាញឲ្យឃើញនាវាមួយគ្រឿងជាមួយស្លាក់ឈ្មោះថា Stena Impero កំពុងត្រូវបានឡោមព័ទ្ធអូប័រជាច្រើនមុនពេលទាហានសម្រូតចុះពីឧទ្ធម្ភាចក្រតាមខ្សែទៅនាវានោះ។
អុីរ៉ង់ចាប់នាវាដឹកប្រេងនោះជុំវិញការចោទប្រកាន់ថាមិនបានឆ្លើយតបទៅសញ្ញាគ្រាអាសន្ន និងមិនបានបិទឧបករណ៍ទទួលទូរលេខរបស់ខ្លួនក្រោយពីបុកទូកនេសាទមួយគ្រឿង៕ PSA