រដ្ឋមន្រ្តីថាមពលអ៊ីរ៉ង់លោក Reza Ardakanian បានឱ្យដឹងក្នុងប្រព័ន្ធផ្សព្វផ្សាយរដ្ឋ កាលពីថ្ងៃសៅរ៍ថា ប្រទេសអ៊ីរ៉ាក់ បានយល់ព្រមបញ្ចេញថវិកាអ៊ីរ៉ង់ចំនួន ១២៥ លានដុល្លារ ទៅឱ្យធនាគារអ៊ឺរ៉ុបសម្រាប់ការទិញកូវីដ ១៩ ប្រមាណ ១៦ លានដូស។
ប្រទេសអ៊ីរ៉ង់ ដែលជាប្រទេសរងគ្រោះដោយកូវីដ ១៩ ខ្លាំងជាងគេនៅមជ្ឈិមបូព៌ា បានត្អូញត្អែរថា ការដាក់ទណ្ឌកម្មរបស់សហរដ្ឋអាមេរិក បានរារាំងប្រទេសខ្លួនក្នុងការបញ្ជាទិញវ៉ាក់សាំងកូវីដ ១៩។
ទីភ្នាក់ងារសារព័ត៌មានរដ្ឋ IRNA បានរាយការណ៍ថាលោក Ardakanianបាននិយាយថា ថវិកាដែលត្រូវបញ្ជាទិញវ៉ាក់សាំងនេះ បានមកពីអង្គការសុខភាពពិភពលោក (WHO) ឧបត្ថម្ភ ដោយកម្មវិធីវ៉ាក់សាំងជាសកល COVAX។
យ៉ាងណាមិញ នៅមិនទាន់មានការបញ្ជាក់ជាបន្ទាន់ពីមន្រ្តីអ៊ីរ៉ាក់នៃរបាយការណ៍ ដែលបានចេញផ្សាយមូលនិធិរបស់អ៊ីរ៉ង់សម្រាប់ការទិញវ៉ាក់សាំងនៅឡើយទេ។
ខណៈពេលកំពុងពិភាក្សាជាមួយមហាអំណាចពិភពលោកនៅទីក្រុងវីយែន ដើម្បីធ្វើឱ្យប្រសើរឡើងនូវកិច្ចព្រមព្រៀងនុយក្លេអ៊ែរឆ្នាំ ២០១៥ ទីក្រុងតេអេរ៉ង់ បានទាមទារឱ្យបញ្ចេញប្រាក់ប្រេងរបស់ខ្លួនចំនួន ២០ ពាន់លានដុល្លារ ដែលបានជាប់គាំងនៅក្នុងប្រទេសមួយចំនួនដូចជាអ៊ីរ៉ាក់កូរ៉េខាងត្បូង និងចិនដោយសារតែការដាក់ទណ្ឌកម្មរបស់សហរដ្ឋអាមេរិកចាប់តាំងពីឆ្នាំ ២០១៨ មក៕