ស្ថានទូតអ៊ីស្រាអែលនៅទីក្រុងប៉េកាំង បានចោទប្រកាន់អ្នកផ្សាយព័ត៌មានរដ្ឋចិន ដែលបានបង្ហាញសកម្មភាពប្រទូសរ៉ាយប្រឆាំងសាសន៍យូដានៅពេល កំពុងរាយការណ៍ពីគោលនយោបាយរបស់សហរដ្ឋអាមេរិកស្ដីអំពីអំពើហិង្សាក្នុងទឹកដីប៉ាឡេស្ទីន និងអ៊ីស្រាអែល។
អ្នកសារព័ត៌មាននៅ CGTN ដែលជាសារព័ត៌មានភាសាអង់គ្លេសរបស់ទូរទស្សន៍រដ្ឋចិន CCTV កាលពីថ្ងៃអង្គារ ដែលបានលើកឡើងអំពីរឿងវ៉ាវ និងទ្រឹស្តីឃុបឃិតប្រឆាំងសាសន៍យូដា ក្នុងអំឡុងកិច្ចពិភាក្សាមួយស្ដីអំពីការគាំទ្ររបស់រដ្ឋាភិបាលសហរដ្ឋអាមេរិកចំពោះអ៊ីស្រាអែល។
អ្នកសារព័ត៌មានបានឱ្យដឹងថា៖ «ជនជាតិជ្វីហ្វបានលួងលោមសហរដ្ឋអាមេរិក មានឥទ្ធិពលយ៉ាងខ្លាំងក្នុងការបង្វែរជំហររបស់ទីក្រុងវ៉ាស៊ីនតោន ងាកទៅរកវិបត្តិមជ្ឈឹមបូព៌ា ហើយលើកឡើងថា ជនជាតិនេះបានត្រួតត្រាផ្នែកហិរញ្ញវត្ថុប្រព័ន្ធផ្សព្វផ្សាយនិងអ៊ីនធឺណិតសហរដ្ឋអាមេរិកផងដែរ»។
ស្ថានទូតអ៊ីស្រាអែលបានតបទៅនឹងការលើកឡើងថា៖ «នេះគឺជាពាក្យសម្ដីគួរឱ្យខ្ពើមរអើមមួយ ដែលប្រឆាំងនឹងសាសន៍យូដា និងផ្សព្វផ្សាយទៅក្នុងបណ្តាញសារព័ត៌មានផ្លូវការរបស់ចិន។ ការអះអាង ទាំងនោះមានលក្ខណៈប្រកាន់ពូជសាសន៍និងគ្រោះថ្នាក់ ហើយក្នុងនាមជាប្រព័ន្ធផ្សព្វផ្សាយពួកគេគួរតែមានការប្រយ័ត្នប្រយែងជាងនេះ»៕