.jpg)
ក្រុងហ្ស៊េរុយសាឡិមៈ ប្រទេសអ៊ីស្រាអែល កាលពីថ្ងៃអង្គារ បានថ្លែងថា ខ្លួនបានសាកល្បងមីស៊ីលបាលីស្ទិក ២ គ្រាប់ជោគជ័យ នៅក្នុងមហាសមុទ្រមេឌីទែរ៉ាណេ ស្របពេលមានភាពតានតឹងជាមួយអ៊ីរ៉ង់ និងសម្ព័ន្ធមិត្តហេបូឡាហ៍លីបង់របស់ខ្លួន។
ឧស្សាហកម្មដែនអាកាសអ៊ីស្រាអែល (IAI) គ្រប់គ្រងដោយរដ្ឋបានថ្លែងថា «ការសាកល្បងយ៉ាងស្មុគស្មាញនោះ ត្រូវបានធ្វើឡើងនៅក្នុងបើកលំហរសមុទ្រ» និងជាប់ទាក់ទងជាមួយប្រព័ន្ធអាវុធកាំភ្លើងធំចម្ងាយឆ្ងាយ ២ គ្រាប់ (LORA)។
ឧស្សាហកម្ម IAI បានថ្លែងនៅក្នុងសេចក្តីថ្លែងការណ៍មួយថា៖ «កន្លែងដំបូងដែលបានបាញ់មីស៊ីលចម្ងាយខ្លីមួយគ្រាប់ វាបានហោះក្នុងចម្ងាយ ៩០ គីឡូម៉ែត្រ ហើយមីស៊ីលចម្ងាយឆ្ងាយទី ២ ហោះបាន ៤០០ គីឡូម៉ែត្រ»។
សេចក្តីថ្លែងការណ៍នោះបានឲ្យដឹងថា៖ «ស្ថិតនៅទីតាំងទាំង ២ នោះ មីស៊ីលនោះបានហោះទៅតាមផ្លូវរបស់វា ដោយទៅរកគោលដៅរបស់វាដោយខ្លួនឯង ហើយបានកម្ទេចចំទីតាំងយ៉ាងច្បាស់លាស់»៕ AFP
