.jpg)
លោក ខេស៊ី បាណេត ពេលថតជាមួយក្រុមអត្តពលិកចំបាប់ឥណ្ឌូនេស៊ី នៅក្រោយបញ្ចប់ការប្រកួតជើងឯកអាស៊ាន ឆ្នាំ២០២២។ រូបថត សហការី
ក្រុងហ្គាហ្សាៈ ប្រភពសន្តិសុខប៉ាឡេស្ទីនបានថ្លែងប្រាប់កាសែត AFP ក្រោយពីអ៊ីស្រាអែលបានរាយការណ៍ថា មានរ៉ុក្កែត ៣ គ្រាប់ បានបាញ់ទៅលើទឹកដីរបស់ខ្លួនថា យន្តហោះចម្បាំងអ៊ីស្រាអែល បានវាយប្រហារទៅលើទីតាំងក្រុមហាម៉ាស់ជាច្រើនកន្លែង នៅក្នុងតំបន់ហ្គាហ្សាកាលពីយប់ថ្ងៃអាទិត្យ។
យោធាអ៊ីស្រាអែលបានថ្លែងថា យន្តហោះចម្បាំងរបស់ខ្លួនបានវាយប្រហារ «ទៅលើហេដ្ឋារចនាសម្ព័ន្ធក្រោមដី ដែលជារបស់ក្រុមអង្គការភេរវករហាម៉ាស់នោះ» ក្នុងការឆ្លើយតបទៅនឹងការបាញ់គ្រាប់រ៉ុក្កែតនោះ។
យោធាបានថ្លែងនៅក្នុងសេចក្តីថ្លែងការណ៍មួយ ដែលបាននិយាយជាភាសាអង់គ្លេសថា៖ «នៅពេលយប់ រ៉ុក្កែត ៣ គ្រាប់ បានបាញ់ចេញពីតំបន់ហ្គាហ្សា ទៅលើប្រទេសអ៊ីស្រាអែល»។
«នៅក្នុងការឆ្លើយតប វាយប្រហារឧទ្ធម្ភាគចក្រ និងយន្តហោះចម្បាំងជាច្រើនគ្រឿង បានកំណត់គោលដៅទៅលើទីតាំងភេរវករជាច្រើនកន្លែង»។
មិនមានរបាយការណ៍ រាយការណ៍ភ្លាមៗអំពីចំនួនអ្នកស្លាប់និងរងរបួស ចេញពីភាគីទាំង២នោះទេ៕SK
