ក្រុងហ្ស៊េរុយសាឡិម៖ អ៊ីស្រាអែលកាលពីថ្ងៃអាទិត្យបានស្នើឲ្យក្រុមប្រទេសមហាអំណាចអឺរ៉ុបមួយចំនួន ត្រូវទទួលស្គាល់សេចក្តីប្រកាសរបស់អាមេរិកជាឯកតោភាគី អំពីការចាប់ផ្តើមបន្តនៃការដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិប្រឆាំងប្រទេសអ៊ីរ៉ង់។
នៅក្នុងសេចក្តីថ្លែងការណ៍មួយបានចេញផ្សាយដោយការិយាល័យរបស់លោក គឺរដ្ឋមន្ត្រីការបរទេសអ៊ីស្រាអែល លោក ហ្គាប៊ី អាស់ហ៍ខេនណាហ្ស៊ី បានអំពាវនាវឲ្យក្រុមសម្ព័ន្ធមិត្តរបស់អ៊ីស្រាអែល ត្រូវបានគេស្គាល់ថាជា ក្រុមប្រទេស E-3 នោះ គឺប្រទេសបារាំង អង់គ្លេស និងអាល្លឺម៉ង់ «ត្រូវដកខ្លួនចេញពីការប្រឆាំងរបស់ពួកគេ ហើយត្រូវឈានទៅរកការអនុវត្ត ដាក់ទណ្ឌកម្មឲ្យបានខ្លាំងក្លាទៅលើអ៊ីរ៉ង់»។
លោកបានស្នើឲ្យពួកគេដាក់ទណ្ឌកម្មថ្នាក់ជាតិ និងកម្រិតអឺរ៉ុប និងតាមរយៈយន្តការរបស់អង្គការសហប្រជាជាតិឡើងវិញ។
ការអំពាវនាវរបស់លោកបានធ្វើឡើង ក្រោយពីរដ្ឋមន្ត្រីការបរទេសអាមេរិក គឺលោក ម៉ៃក៍ ប៉ុមប៉េអូ បានអះអាងថា ទណ្ឌកម្មទាំងអស់នៅមុនឆ្នាំ ២០១៥ ប្រឆាំងអ៊ីរ៉ង់ ត្រូវបានដាក់ឡើងវិញ។
ទោះបីជាយ៉ាងណាក៏ដោយ ក៏ប្រទេសសមាជិកភាគច្រើន របស់ក្រុមប្រឹក្សាសន្តិសុខ UN បានថ្លែងថា វិធានការរបស់លោក ប៉ុមប៉េអូ ត្រូវពឹងផ្អែកទៅលើយន្តការ ១ ដែលជាផ្នែកនៃកិច្ចព្រមព្រៀងនុយក្លេអ៊ែរឆ្នាំ ២០១៥៕ Xinhua/SK