ក្រុងបាងកកៈ អតិថិជន ៨៣ នាក់ ត្រូវតេស្តរកឃើញមានផ្ទុកសារជាតិញៀន នៅក្នុងអំឡុងការវាយឆ្មក់របស់ប៉ូលិសទៅលើក្លិបមួយ នៅក្នុងសង្កាត់ Lat Krabang នៃក្រុងបាងកក នៅព្រឹកថ្ងៃសុក្រ។
ក្រុមមន្ត្រីមកពីកងល្បាត និងប្រតិបត្តិការពិសេស និងប៉ូលិសនៅសង្កាត់ Chalong Krung បានចូលទៅក្នុងក្លិប Klem នៅលើផ្លូវ Soi Chalong Krungនៅក្នុងសង្កាត់ Lat Krabang នៅម៉ោង ១ និង ៣០ នារី រំលងអាធ្រាត្រ។
ភ្ញៀវជាង ២០០ នាក់ កំពុងផឹកស្រា និងរាំច្រៀងនៅខាងក្នុងក្លិបនោះ។ បុគ្គលិកទាំងអស់ ត្រូវបានបញ្ជាឲ្យបិទភ្លើង និងបញ្ឈប់សកម្មភាពទាំងអស់។
អតិថិជននិងបុគ្គលិកក្លិបទាំងអស់ ត្រូវតម្រូវឲ្យឆ្លងកាត់ការធ្វើតេស្តទឹកនោម ដើម្បីរកសារធាតុញៀន ហើយអតិថិជន៨៣នាក់ត្រូវបានតេស្តរកឃើញថាមានផ្ទុកសារធាតុញៀន។
ប្រព័ន្ធផ្សព្វផ្សាយ ថៃ បានរាយការណ៍ថា ប៉ូលិស បាននិយាយថា អតិថិជន៥៧នាក់ ត្រូវបានរកឃើញមានអាយុក្រោម ២០ ឆ្នាំ៕ BKP/PSA