.jpg)
លោក Geir Bukholm និងលោកស្រី Line Vold នៃវិទ្យាស្ថានសុខាភិបាលន័រវែលធ្វើសន្និសីទកាសែត ។
ក្រុងប៉ារីស៖ ស្ថានការណ៍នៅក្នុងប្រទេស ចិន បានល្អប្រសើរឡើងវិញ ខណៈដែលបញ្ជីឈ្មោះប្រទេសដែលប៉ះពាល់ដោយវីរុសកូរ៉ូណាកើនឡើងជាសកល ដោយមានឆ្លងមួយករណីដំបូង នៅប្រទេស អាមេរិកឡាទីន។ អង្គការសុខភាពពិភពលោកបានព្រមានថា ពិភពលោក «មិនទាន់ត្រៀមលក្ខណៈបង្ការ និងទប់ស្កាត់ការឆ្លងជំងឺឆ្លងនេះទេ»។
យោងតាមចំនួនតួលេខថ្មីបំផុតដែលចេញពីមជ្ឈមណ្ឌល Johns Hopkins ដើម្បីសនិ្តសុខសុខភាពបានឲ្យដឹងថា មានអ្នកឆ្លងវីរុសផ្លូវដង្ហើមប្រភេទថ្មីជាង ៨២ ១០០ នាក់ និង ២ ៨០០ នាក់បានស្លាប់ នៅទូទាំងពិភពលោក។
ចំនួនអ្នកស្លាប់នៅប្រទេស ចិន ជាទីដែលវីរុសផ្លូវដង្ហើមត្រូវបានគេរកឃើញដំបូងបាន ថយចុះ ដោយមានមនុស្ស ២៩ នាក់ស្លាប់ថែមទៀត ត្រូវបានគេរាយការណ៍កាលពីថ្ងៃព្រហស្បតិ៍ ជាតួលេខប្រចាំថ្ងៃទាបបំផុតនៅក្នុងរយៈពេលជិត ១ ខែនេះ។
អង្គការសុខភាពពិភពលោកថ្លែងថា ចំនួនអ្នកឆ្លងប្រចាំថ្ងៃនៅទូទាំងពិភពលោកគឺកើនឡើងច្រើនជាងនៅក្នុងប្រទេស ចិន។
យោងតាមមជ្ឈមណ្ឌល Johns Hopkins ដើម្បីសន្តិសុខសុខភាពបានឲ្យដឹងថា មានអ្នកស្លាប់ជាង ៥០ នាក់ ត្រូវបានគេរាយការណ៍នៅខាងក្រៅប្រទេស ចិន ចាប់តាំងពីវីរុសនេះ បានចាប់ផ្តើមឆ្លងរីករាលដាល ហើយមានមនុស្សជាង ៣ ៦០០ នាក់ បានឆ្លងជំងឺកូរ៉ូណាប្រភេទថ្មី។
ករណីឆ្លងវីរុសផ្លូវដង្ហើម ត្រូវបានគេរកឃើញថ្មីនៅក្នុងប្រទេសចំនួន ៩ ផ្សេងទៀត ដូចជា ប្រទេស រូម៉ានី អាល់ហ្សេរី អូទ្រីស ក្រូអាស៊ី ហ្សកហ្ស៊ី ក្រិក ន័រវែល ប៉ាគីស្ថាន និងប្រទេស ស្វ៊ីស ដោយបានធ្វើឲ្យប្រទេសមួយចំនួន រងការវាយប្រហារដោយសារឆ្លងជំងឺនោះ ជាង ៤៥ ករណី។
ក្រុមបុគ្គលិកមកពីសមាគមគ្រប់គ្រងប្រឆាំងសត្វល្អិតកូរ៉េខាងត្បូង បាញ់សម្លាប់មេរោគ។ រូប AFP
ប្រទេស កូរ៉េខាងត្បូង បានប្រកាសថា មានករណីឆ្លងជាង ១ ៥៩០ នាក់ មានចំនួនអ្នកឆ្លងច្រើនជាងគេបំផុតបន្ទាប់ពីប្រទេស ចិន ហើយនៅក្នុងនោះមាន ១២ នាក់បានស្លាប់។
ចំនួនអ្នកឆ្លងនៅក្នុងប្រទេស អ៊ីតាលី ជាប្រទេសដែលរងការវាយប្រហារខ្លាំងជាងគេបំផុតនៅអឺរ៉ុប មានអ្នកឆ្លង ៤០០ នាក់កាលពីថ្ងៃពុធ ដោយមានមនុស្ស ១២ នាក់បានស្លាប់។
ប្រទេស អ៊ីរ៉ង់ បានប្រកាសថា មនុស្សសរុបទាំងអស់ចំនួន ១៩ នាក់បានស្លាប់ និងជាង ១៣០ នាក់ផ្សេងទៀត បានឆ្លងវីរុស COVID-19 នៅក្នុងនោះមានអនុរដ្ឋមន្ត្រីសុខាភិបាលរបស់ប្រទេស អ៊ីរ៉ង់ ម្នាក់។
នៅប្រទេស បារាំង មនុស្ស ២ នាក់បានស្លាប់ ដោយមានមនុស្សជាង ១២ នាក់ផ្សេងទៀតបានឆ្លងវីរុសនេះ ក្រោយពីជនជាតិបារាំងវ័យ ៦០ ឆ្នាំម្នាក់បានស្លាប់ កាលពីថ្ងៃពុធ។
អាមេរិកឡាទីនបានធ្វើរបាយការណ៍ថា មានជនជាតិប្រេស៊ីលម្នាក់ដែលបានវិលត្រឡប់មកពីប្រទេស អ៊ីតាលី បានឆ្លងវីរុសកូរ៉ណា។
ដោយបានសរសើរវិធានការដាក់ឲ្យនៅដាច់ដោយឡែករបស់ចិន លោក ប្រ៊ុស អាយវ៉ាដ អ្នកដឹកនាំបេសកកម្មអ្នកជំនាញរួម WHO-ចិន ព្រមានប្រទេសដទៃទៀត ដែលមិនទាន់បានត្រៀមទប់ស្កាត់វីរុសកូរ៉ូណានេះ៕ AFP/SK
