ក្រុងម៉ិកស៊ីកូ៖ ប្រភពរដ្ឋាភិបាលបានថ្លែងប្រាប់កាសែត AFP កាលពីថ្ងៃចន្ទថា ក្រុងម៉ិកស៊ីកូ បានចាប់ខ្លួនបុរសម្នាក់ ដែលត្រូវសង្ស័យជាប់ពាក់ព័ន្ធនឹងការសម្លាប់សិស្សសាលា ៤៣ នាក់ ដែលបានបាត់ខ្លួនកាលពីឆ្នាំ ២០១៤ នៅក្នុងរដ្ឋហ្គឺររីរូ។
ការបាត់ខ្លួនសិស្សទាំងនោះ បានក្លាយជាសញ្ញានៃអំពើហិង្សាគួរឲ្យរន្ធត់មួយ ដែលបានបំផ្លិចបំផ្លាញប្រទេសមួយនេះ និងបានអះអាងជាច្រើនថា ជាការទំនាក់ទំនងមិនច្បាស់លាស់ រវាងក្រុមជួញដូរគ្រឿងញៀន និងក្រុមមន្ត្រីពុករលួយដ៏មានឥទ្ធិពលនៅម៉ិកស៊ិក។
មន្ត្រីរដ្ឋាភិបាលសហព័ន្ធម្នាក់បានថ្លែងក្នុងលក្ខខណ្ឌអនាមិកក្នុងនាមជាមនុស្សម្នាក់ដែលគ្មានសិទ្ធិនិយាយអំពីបញ្ហានោះបានថ្លែងថា លោក អេជេល កាសាររូប៊ៀស «ត្រូវបានគេឃុំខ្លួនកាលពីថ្ងៃពុធសប្តាហ៍មុន នៅក្នុងរដ្ឋម៉ិកស៊ីកូ»។
ក្រុមសិស្សទាំងនោះ បានឡើងជិះរថយន្តក្រុង ៥ គ្រឿង ដើម្បីធ្វើដំណើរទៅតវ៉ានៅពេលយប់កាលពីថ្ងៃទី ២៦ ខែ កញ្ញា ឆ្នាំ ២០១៤ កន្លងទៅ ប៉ុន្តែបានរងការវាយប្រហារដោយប៉ូលិសក្រុង នៅក្នុងទីក្រុងអ៊ីហ្គាឡា និងរដ្ឋហ្គឺររីរូ។
ក្រុមរដ្ឋអាជ្ញាជាដំបូងបានថ្លែងថា មន្ត្រីទាំងនោះបានប្រគល់ក្រុមគ្រូបណ្តុះបណ្តាលចំនួន ៤៣ នាក់ ទៅឲ្យក្រុមគ្រឿងញៀនស៊ីឈ្នួលសម្លាប់មនុស្ស ដែលបានសម្លាប់ពួកគេទាំងនោះ៕ AFP/SK