.jpg)
សមាជិកសហគមន៍ហុងកុងនៅអាមេរិកតវ៉ាប្រឆាំងអ្វីដែលពួកគេហៅថាជាការបង្ក្រាបយ៉ាងសាហាវរបស់ប៉ូលិស។ AFP
ក្រុងហុងកុងៈ ក្រុមសកម្មជនគាំទ្រលទ្ធិប្រជាធិបតេយ្យក្រុងហុងកុងសង្ឃឹមថានឹងចេញធ្វើបាតុកម្មទ្រង់ទ្រាយធំមួយទៀតកាលពីរសៀលថ្ងៃអាទិត្យ ជាកិច្ចខិតខំប្រឹងប្រែងមួយដើម្បីបង្ហាញឲ្យក្រុមមេដឹកនាំក្រុងហុងកុងឃើញថា ចលនាតវ៉ារបស់ពួកគេនៅតែបន្តការប្រឆាំង ទោះបីជាមានការព្រមានខ្លាំងៗពីសំណាក់ក្រុងប៉េកាំងក្តី។
ការធ្វើបាតុកម្មអស់រយៈពេល ១០ សប្តាហ៍បានធ្វើឲ្យមជ្ឈមណ្ឌលហិរញ្ញវត្ថុអន្តរជាតិនេះធ្លាក់ចូលក្នុងវិបត្តិសេដ្ឋកិច្ច ហើយចិនដីគោកដែលបានគ្រប់គ្រងដោយបក្សកុម្មុយនិស្តបានធ្វើការព្រមានកាន់តែខ្លាំងឡើងនៅក្នុងនោះដោយបានចាត់ទុកសកម្មភាពអ្នកតវ៉ាដោយហិង្សាថា «ដូចភេរវកម្ម»។
ការប៉ះទង្គិចគ្នាបានផ្ទុះឡើងរវាងប៉ូលិស និងក្រុមអ្នកតវ៉ាដ៏តឹងរ៉ឹង ប៉ុន្តែចលនានោះបានឈ្នះការសម្បទានតិចតួចពីក្រុងប៉េកាំង ឬភាពជាអ្នកដឹកនាំមិនបានបោះឆ្នោតរបស់ក្រុងមួយនេះ។
ក្រុមអ្នកតវ៉ាគាំទ្រក្រុងប៉េកាំងប្រមូលផ្តុំគ្នាប្រឆាំងក្រុមអ្នកតវ៉ានៅបុរីញូវយ៉កដែលគាំទ្របាតុកម្មនៅក្រុងហុងកុង។ AFP
កាលពីថ្ងៃអង្គារក្រុមអ្នកតវ៉ាបានបិទផ្លូវអ្នកដំណើរមិនឲ្យចេញពីកន្លែងហោះហើរនៅឯព្រលានយន្តហោះក្រុងហុងកុង ហើយក្រោយមកបានវាយទៅលើបុរស ២ នាក់ដែលពួកគេបានចោទប្រកាន់ពីបទធ្វើចារកម្មឲ្យប្រទេសចិនដីគោកនោះ។
រូបភាពជាច្រើនបានធ្វើឲ្យខូចខាតដល់យុទ្ធនាការមួយដែលរហូតមកទល់ពេលនេះបានកំណត់យកប៉ូលិស ឬស្ថាប័នរដ្ឋាភិបាលធំតែមួយគត់ជាគោលដៅវាយប្រហារ ហើយបានបង្កឲ្យមានការផ្ទុះកំហឹងនៅក្នុងចំណោមក្រុមអ្នកតវ៉ាទាំងនោះ។
ឧបករណ៍ឃោសនារបស់ចិនដីគោកបានបង្ហាញអំពីអំពើហិង្សាដោយមានប្រព័ន្ធផ្សព្វផ្សាយរបស់រដ្ឋដែលបានអត្ថាធិប្បាយអត្ថបទជេរប្រមាថ អមជាមួយរូបភាព និងវីដេអូជាច្រើនទៀត។
ប្រព័ន្ធផ្សព្វផ្សាយរបស់រដ្ឋបានបង្ហាញអំពីក្បួនរថយន្តយោធា និងរថពាសដែកបានធ្វើដំណើរតាមព្រំដែននៅក្រុង Shenzhen ដោយជំរុញឲ្យអាមេរិកព្រមានក្រុងប៉េកាំងប្រឆាំងការបញ្ជូនកងកម្លាំងទាំងនោះដែលក្រុមអ្នកវិភាគនិយាយថា អាចនឹងធ្វើឲ្យខូចកេរ្តិ៍ឈ្មោះ និងខាតបង់សេដ្ឋកិច្ចសម្រាប់ប្រទេសចិន។
ក្រុមអ្នកតវ៉ាប្រមូលផ្តុំគ្នាកាលពីថ្ងៃទី ១៧ ខែសីហានៅបុរីញូវយ៉កជាការគាំទ្រដល់ក្រុមអ្នកតវ៉ានៅទីក្រុងហុងកុង។ AFP
ក្រោយពីភាពចលាចលនៅព្រលានយន្តហោះក្រុងហុងកុងកាលពីថ្ងៃអង្គារ អ្នកតវ៉ាខ្លះបានសូមទោស ហើយក្រុមផ្សេងទៀតបានប្តេជ្ញាចិត្ត និងរៀបចំប្រមូលផ្តុំទ្រង់ទ្រាយធំមួយទៀតកាលពីថ្ងៃអាទិត្យ។
ដោយបានប្រកាសថាជាការតវ៉ា «អហិង្សា និងមានហេតុផលត្រឹមត្រូវ» ហើយការធ្វើបាតុកម្មនោះត្រូវបានរៀបចំធ្វើឡើងដោយក្រុមរណសិរ្សសិទ្ធិមនុស្សស៊ីវិលជាក្រុមមួយដែលបានបញ្ចៀសពីការប្រឈមមុខដាក់គ្នាជាមួយក្រុមប៉ូលិស ហើយកំពុងជំរុញឲ្យកងកម្លាំងនៅពីក្រោយការប្រមូលផ្តុំនានា ដែលបានបំបែកកាលពីខែមិថុនា និងខែកក្កដាដែលបានបង្ហាញឲ្យឃើញថា មានមនុស្សរាប់សែននាក់រងការវាយប្រហារនៅតាមដងផ្លូវនៅក្រុងហុងកុង។
នៅក្នុងអំឡុងការតវ៉ាទ្រង់ទ្រាយតូចកាលពីថ្ងៃសៅរ៍ដែលបានបញ្ចប់ដោយគ្មានការប៉ះទង្គិចនោះ អ្នកតវ៉ាភាគច្រើនបានស្រែកបន្ទរថា «ជួបគ្នានៅសួនជ័យជម្នះ!» ខណៈពួកគេបានចាកចេញពីដងផ្លូវនានានោះ។
សួនជ័យជម្នះនោះត្រូវបានប្រើប្រាស់ជាកន្លែងសម្រាប់ការតវ៉ាទាមទារលទ្ធិប្រជាធិបតេយ្យនៅក្រុងនេះ៕ SK
