.jpg)
អ្នកតវ៉ាម្នាក់ពាក់ម៉ាស់ការពារឧស្ម័នបង្ហូរទឹកភ្នែក ចូលរួមបន្តធ្វើបាតុកម្មប្រឆាំងរដ្ឋាភិបាល នៅទីក្រុងបាកដាដ។ AFP
ក្រុងបាកដាដ៖ ក្រុមអ្នកតវ៉ាអ៊ីរ៉ាក់ បានបិទស្ថាប័នរដ្ឋមួយចំនួនកាលពីថ្ងៃអង្គារ ខណៈអង្គការសហប្រជាជាតិបានបង្កើនការដាក់សម្ពាធទៅលើរដ្ឋាភិបាលឲ្យអនុម័តធ្វើកំណែទម្រង់មួយ ក្នុងការឆ្លើយតបទៅនឹងការប្រមូលផ្តុំប្រឆាំងរដ្ឋាភិបាល។
ដោយត្រូវបានគាំទ្រដោយអាជ្ញាធរកំពូលរបស់ប្រទេសមួយនេះ ផែនការបន្តបន្ទាប់របស់អង្គការសហប្រជាជាតិ បានទាមទារឲ្យបញ្ចប់ហិង្សាដែលបង្កឲ្យមនុស្សជាង ៣០០ នាក់ស្លាប់ ចាប់តាំងពីការតវ៉ាបានផ្ទុះឡើងកាលពីខែតុលា។
ការតវ៉ានោះ បានធ្វើឡើងប៉ុន្មានថ្ងៃ ក្រោយពីប្រទេសក្បែរខាងដ៏មានឥទ្ធិពលរបស់ប្រទេស អ៊ីរ៉ាក់ នៅប្រទេស អ៊ីរ៉ង់ភាគខាងកើត បានសម្របសម្រួលឲ្យមានកិច្ចព្រមព្រៀងមួយ នៅក្នុងចំណោមកងកម្លាំងនយោបាយដ៏សំខាន់របស់ប្រទេស អ៊ីរ៉ាក់ ដែលស្និទ្ធទៅនឹងមន្ត្រីនៅក្នុងជួររដ្ឋាភិបាល។
កាលពីយប់ថ្ងៃអង្គារនៅក្នុងទីក្រុងបាកដាដ កងកម្លាំងសន្តិសុខ បានបាញ់គ្រាប់ពិត ឧស្ម័នបង្ហូរទឹកភ្នែក និងគ្រាប់បែកផ្សែង ចេញពីខាងក្រោយរបាំងបេតុង ដើម្បីបំបែកក្រុមអ្នកតវ៉ា នៅជិតកន្លែងប្រមូលម្តុំសំខាន់របស់ពួកគេនៅទីលានតាហ៍រឺរ។
ក្រុមអ្នកតវ៉ាអុីរ៉ាក់ ត្រូវឧស្ម័នបង្ហូរទឹកភ្នែក នៅចំពេលប៉ះទង្គិចជាមួយកងកម្លាំងសន្តិសុខ នៅទីក្រុងបាកដាដ។ AFP
ក្រុមអ្នកតវ៉ាវ័យក្មេងភាគច្រើន បានបំបែកគ្នាជាក្រុមតូចៗ បន្ទាប់មកបានប្រមូលផ្តុំគ្នាជាក្រុមឡើងវិញជាការផ្គើនទៅនឹងរដ្ឋាភិបាលនោះ មានអ្នកខ្លះ បានប្រើប្រាស់ចម្ពាមកៅស៊ូបាញ់គ្រាប់ថ្ម ឬគ្រាប់បែកសាំងទៅលើកងកម្លាំងសន្តិសុខទាំងនោះ។
អ្នកសារព័ត៌មាន AFP ម្នាក់ និងប្រភពសន្តិសុខម្នាក់ បាននិយាយថា មនុស្សជាង ២០ នាក់ បានរងរបួសនៅក្នុងការប្រយុទ្ធគ្នាបន្តិចបន្តួច ដែលបានតស៊ូនៅប៉ុន្មានសប្តាហ៍ថ្មីៗនេះ ខណៈដែលក្រុមបាតុករបានខំប្រឹងទប់ទល់ ដើម្បីបញ្ចប់ចលនាតស៊ូរបស់ពួកគេឲ្យបានឆាប់។
ក្រុមអ្នកតវ៉ា បានគាំទ្រឲ្យមានកិច្ចប្រជុំមួយនៅថ្ងៃចន្ទ រវាងមន្ត្រីអ៊ីរ៉ាក់កំពូលរបស់អង្គារការសហប្រជាជាតិលោកស្រី Jeanine Hennis-Plasschaert និងបព្វជិតជាន់ខ្ពស់លោក Grand Ayatollah- Al-Sistani។
បាតុករម្នាក់លោក Ali Kadhem វ័យ ៣៣ ឆ្នាំ នៅកន្លែងតវ៉ាទ្រង់ទ្រាយធំនៃទីលានតាហ៍រឺរ បាននិយាយថា៖ «យើងមានសុទិដ្ឋិនិយមចំពោះ UN ហើយខ្ញុំបានគោរពចំពោះទស្សនកិច្ចរបស់លោកស្រីទៅជួបលោក Sistani»។
ប្រជាជនអុីរ៉ាក់ សែងមឈូសសពអ្នកតវ៉ាម្នាក់ ស្លាប់នៅក្នុងការធ្វើបាតុកម្មប្រឆាំងរដ្ឋាភិបាល នៅទីក្រុងបាស្រា។ AFP
«សូមឲ្យពួកគេជួយអន្តរាគមន៍ឲ្យបានច្រើននៅក្នុងប្រទេស អ៊ីរ៉ាក់។ យើងចង់ឲ្យពួកគេនៅទីនេះ ហើយប្រជាជនរបស់យើង បានស្លាប់ដោយអត់អាហារ យើងបានបាត់បង់អ្វីៗទាំងអស់»។
នៅទូទាំងភាគខាងត្បូងប្រទេស អ៊ីរ៉ាក់ ក្រុមបាតុករបានបិទសាលារៀនអគាររដ្ឋាភិបាល និងសូម្បីតែការិយាល័យប្រព័ន្ធផ្សព្វផ្សាយរដ្ឋខ្លះក៏ត្រូវបានបិទដែរ។
នៅទីក្រុងអាម៉ារ៉ាហ៍ ហ្វូងបាតុករបានបិទទូរទស្សន៍រដ្ឋប្រចាំតំបន់ ដោយចោទប្រកាន់ទូរទស្សន៍នេះពីបទផ្សព្វផ្សាយការតវ៉ារបស់ក្រុមបាតុករមិនបានត្រឹមត្រូវ៕ AFP/SK
