.jpg)
ក្រុមអ្នកតវ៉ាអ៊ីរ៉ាក់ ប្រើប្រាស់ទូរស័ព្ទដៃដើម្បីថតសកម្មភាពតវ៉ានៅក្រុងNajaf ភាគកណ្តាល កាលពីថ្ងៃ១៤ ខែកក្កដា។ AFP
ក្រុងបាស្រាៈ ក្រុមមន្ត្រី បាននិយាយថា អ្នកតវ៉ារាប់សិបនាក់ ត្រូវរងរបួសនៅប្រទេសអ៊ីរ៉ាក់ភាគខាងត្បូងកាលពីថ្ងៃអាទិត្យដោយសារការប៉ះទង្គិចជាមួយប៉ូលិសខណៈការតវ៉ាជុំវិញបញ្ហាភាពអត់ការងារធ្វើនិងការខ្វះសេវាមូលដ្ឋានបានឈានចូលដល់សប្តាហ៍ទី២ហើយ។
ការតវ៉ា បានធ្វើឲ្យប៉ះពាល់ដល់ខេត្តជាច្រើននៅក្នុងនោះមានខេត្តបាស្រា ថ្វីបើលោកនាយករដ្ឋមន្ត្រី Haider al-Abadi បានប្រកាសជំនួយថ្មី និងសន្យាធ្វើការវិនិយោគនៅក្នុងតំបន់ដែលសម្បូរប្រេង។
សេវាអ៊ីនធើណិត ត្រូវកាត់ផ្តាច់នៅទូទាំងប្រទេស កាលពីថ្ងៃអាទិត្យ។
អ្នករាយការណ៍ AFP ម្នាក់ បាននិយាយថា នៅក្នុងក្រុងបាស្រា ក្រុមអ្នកតវ៉ា បានប៉ុនប៉ងវាយប្រហារទៅលើការិយាល័យរបស់អភិបាលក្រុង ប៉ុន្តែត្រូវបានប៉ូលិសបំបែកដោយបាញ់ឧស្ម័នបង្ហូរទឹកភ្នែកទៅលើពួកគេ៕ PSA
