.jpg)
Hassan Khalif Shire Ali និងប៉ូលិសនៅក្នុងក្រុងម៉ែលប៊ននៅក្នុងការវាយប្រហារភេរវកម្មកាលពីថ្ងៃសុក្រ។ Australia News
ក្រុងកង់បេរ៉ាៈ រដ្ឋាភិបាលអូស្ត្រាលី បានថ្លែងកាលពីថ្ងៃអាទិត្យថា ជនជាតិអូស្ត្រាលីម្នាក់ ដែលមានដើមកំណើតជាសូម៉ាលីបានប្រើកាំបិតចាក់ឲ្យស្លាប់ម្នាក់ទាំងកំរោលនៅក្នុងក្រុង ម៉ែលប៊ន ជាទីក្រុងធំទី ២ របស់ប្រទេសអូស្ត្រាលី ត្រូវបានជំរុញទឹកចិត្តដោយក្រុមរដ្ឋអ៊ិស្លាម (IS) ប៉ុន្តែមិនមានទំនាក់ទំនងផ្ទាល់ជាមួយក្រុមជីហាដនិយមទេ។
លោក Hassan Khalif ShireAli បានចាក់សម្លាប់លោក Sisto Malaspina ជាសហម្ចាស់កម្មសិទ្ធិហាងកាហ្វេមួយដ៏ឈ្មោះល្បីក្នុងតំបន់ និង បុរសពីរនាក់ផ្សេងទៀត បានរងរបួសនៅលើផ្លូវ Bourke នៅកណ្តាលក្រុង ម៉ែលប៊ន កាលពីរសៀលថ្ងៃសុក្រ មុនពេលរូបគេ ត្រូវបានប៉ូលីសបាញ់សម្លាប់នោះ។
បុរសដែលមានវ័យ៣០ឆ្នាំរូបនេះ បានធ្វើដំណើរទៅកាន់ក្រុងនេះដោយជិះរថយន្តមួយគ្រឿង ផ្ទុកដោយហ្គាសពេញមុនពេលដុតបំផ្លាញរថយន្តនោះ។
ក្រុមរដ្ឋអ៊ិស្លាម (IS) បាននិយាយតាមរយៈប្រព័ន្ធឃោសនារបស់ខ្លួនថា លោក Shire Ali ជា«យុទ្ធជនរបស់ក្រុមរដ្ឋអ៊ិស្លាមមួយរូប ហើយបានធ្វើប្រតិបត្តិការនេះ» ប៉ុន្តែមិនមានការផ្តល់ភស្តុតាងជាក់លាក់ណាមួយនៅពីក្រោយនៃការអះអាងរបស់ខ្លួនឡើយ៕ SK
