រដ្ឋាភិបាលឥណ្ឌាបានបិទសេវាកម្មអ៊ីនធឺណិតតាមទូរស័ព្ទនៅក្នុងតំបន់ជាច្រើននៅជុំវិញទីក្រុង New Delhi កាលពីថ្ងៃសៅរ៍ ទី ៣០ មករា ខណៈពេលដែលក្រុមកសិករបានចាប់ផ្ដើមធ្វើកូដកម្មបង្អត់អាហាររយៈពេល ១ ថ្ងៃ បន្ទាប់ពីមានការប៉ះទង្គិចជាមួយអាជ្ញាធរ បណ្ដាលឱ្យមនុស្សម្នាក់ស្លាប់ និងរាប់រយនាក់ទៀតរងរបួស។
ក្រសួងមហាផ្ទៃឥណ្ឌា បាននិយាយនៅថ្ងៃសៅរ៍ថា សេវាកម្មអ៊ីធឺណិតនៅទីតាំងចំនួន ៣ ដែលការតវ៉ាកំពុងកើតឡើង នឹងត្រូវបានផ្អាករហូតដល់ម៉ោង ១១ យប់ នៅថ្ងៃអាទិត្យដើម្បី «ថែរក្សាសុវត្ថិភាពសាធារណៈ» ៕