.jpg)
រដ្ឋមន្ត្រីក្រសួងសុខាភិបាលឥណ្ឌូនេស៊ីបានឱ្យដឹងកាលពីថ្ងៃចន្ទ ថាប្រទេសនេះបានរកឃើញករណីវ៉ារ្យ៉ង់មកពីឥណ្ឌាជាលើកដំបូង ២ ករណី ខណៈអាជ្ញាធរអំពាវនាវកុំឱ្យប្រជាជនធ្វើដំណើរទៅស្រុកកំណើតក្នុងចុងខែពិធីបុណ្យរ៉ាម៉ាដនមូស្លីម។
ប្រទេសឥណ្ឌូនេស៊ី ក៏បានព្យាយាមទប់ស្កាត់ការរីករាលដាលនៃវ៉ារ្យ៉ង់ថ្មីនេះ ដោយបញ្ឈប់ការចេញទិដ្ឋាការកាលពីខែមុន ដល់ជនបរទេសណា ដែលធ្លាប់បានស្នាក់នៅក្នុងប្រទេសឥណ្ឌាកាលពី ១៤ ថ្ងៃមុន។
គួរបញ្ជាក់ផងដែរថា វ៉ារ្យ៉ង់នេះបានរីករាលដាលយ៉ាងហោចណាស់ ១៧ ប្រទេសរួមមាន អង់គ្លេស ស្វ៊ីស និងអ៊ីរ៉ង់ ដែលជំរុញឱ្យរដ្ឋាភិបាលមួយចំនួនបិទព្រំដែនរបស់ពួកគេ ទប់ស្កាត់មិនឱ្យអ្នកធ្វើដំណើរមកពីប្រទេសឥណ្ឌាផងដែរ៕
