The Phnom Penh Post Search

Search form




Logo of Phnom Penh Post newspaper Phnom Penh Post - ឧទ្ទាម​M23​នៅ​កុងហ្គោ​ត្រៀម​ខ្លួន​ប្រយុទ្ធ​នឹង​កម្លាំង​អ.ស.ប.ថ្មី

ឧទ្ទាម​M23​នៅ​កុងហ្គោ​ត្រៀម​ខ្លួន​ប្រយុទ្ធ​នឹង​កម្លាំង​អ.ស.ប.ថ្មី

ឧទ្ទាម​M23​នៅ​កុងហ្គោ​ត្រៀម​ខ្លួន​ប្រយុទ្ធ​នឹង​កម្លាំង​អ.ស.ប.ថ្មី

Content image - Phnom Penh Post

ក្រុងរ៉ូម៉ាន់ហ្គាបូៈ ក្រុម​ឧទ្ទាម​នៅ​ភាគ​ខាងកើត​នៃ​សាធារណរដ្ឋ​ប្រជាធិបតេយ្យ​កុងហ្គោ​បាន​និយាយ​ថា ពួកគេ​បាន​ត្រៀម​ខ្លួន​ជា​ស្រេច​ដើម្បី​ឆ្លើយតប​ដោយ​«កម្លាំង​ពេញ ទំហឹង​»ចំពោះ​ការ​វាយប្រហារ​ណា​មួយ​របស់​កម្លាំង​ប្រយុទ្ធ​ដំបូង​របស់​អ.ស.ប.។

130507_19a
ប្រធានាធិបតីផ្នែកនយោបាយ របស់ឧទ្ទាម M23 លោក ប៊ែរត្រង់ ប៊ីស៊ីមវ៉ា (កណ្តាល) ជួបអ្នកកាសែត AFP

កាលពី​ខែ​មីនា ក្រុមប្រឹក្សា​សន្តិសុខ​អ.ស.ប. បាន​បន្ត​អាជ្ញាយុកាល​នៃ​បេសកកម្ម​អ.ស.ប.​នៅ កុងហ្គោ(Monusco) និង​បាន​អនុម័ត​បង្កើត​កងពល​តូច​អន្តរាគមន៍​៣ពាន់​នាក់​។

កម្លាំង​ដែល​នឹង​មាន​ទាហាន​មកពី​អា្រហ្វិក​ខាងត្បូង​តង់ហ្សានី និង​ម៉ាឡាវី​នេះ​នឹង​ត្រូវ​បំពាក់​ដោយ កង​ឯកភាព​កាំភ្លើង​ធំ​និង​ឧទ្ធម្ភាគចក្រ​និង​មាន​បំណង​ទប់ទល់​ការ​បះបោរ​របស់​ក្រុម M23 ពេញ​មួយ​ឆ្នាំ និង​ក្រុម​ប្រដាប់​អាវុធ​ជាច្រើន​ទៀត​នៅ​ភាគ​ខាងកើត​នៃ​ប្រទេស​កុងហ្គោ។

ប៉ុន្តែ​លោក​វរសេនីយ៍ឯក​Vianney Kazarama អ្នក​នាំ​ពាក្យ​យោធា​របស់​ក្រុម​ឧទ្ទាម​M23 បាន​ឆ្លើយតប​ទាំង​ងងើល​ចំពោះ​ការ​មក​ដល់​របស់​ទាហាន​អ.ស. ប.។ លោក​បាន​ប្រាប់ Guardian នៅឯ​ជំរំ​ហ្វឹកហ្វឺន​កុម្ម៉ង់ដូ​ក្នុង​តំបន់​រ៉ូម៉ាន់ហ្គាបូ​ថា​៖​«យើង​បាន​ត្រៀម​ខ្លួន​រួច​ហើយ​សម្រាប់​កងពល​តូច​នេះ។ ពួកគេ​នឹង​មិន​ស្គាល់​ទឹក​ដី យុទ្ធសាស្ត្រ​របស់​យើង​មិន​ចេះ​ទាំង​ភាសា​តំបន់​ផង»។ វា​នឹង​ធ្វើ​ឲ្យ​ពួកគេ​ចំណាយ​ពេល​រាប់​សប្តាហ៍ ដើម្បី​រៀបចំ​។ បើ​សិន​ពួកគេ​វាយប្រហារ​យើង​នឹង​ឆ្លើយតប​វិញ​ភ្លាម​ៗ និង​ពេញ​កម្លាំង។

ឧត្តម​សេនីយ៍​James Mwakibolwa នៃ​ប្រទេស​តង់ហ្សានី​ដែល​នឹង​ដឹកនាំ​កងពល​តូច​អ.ស. ប.នេះ បាន​មក​ដល់​ក្រុង​ហ្គោម៉ា​នៃ​ខេត្ត​គីវូ​ខាងជើង​ដែល​ជា​ទីតាំង​ប្រយុទ្ធ​ជាមួយ​M23 តាំង​ពី​ខែ​មេសា​២០១២។ ទោះ​ជា​យ៉ាង​ណា ក្រៅ​ពី​លោក​មិន​មាន​សញ្ញា​ផ្សេង​នៃ​កម្លាំង​អ.ស.ប.ទេ។

យោងតាម​ក្រុម​មន្ត្រី​Monusco ឲ្យ​ដឹង​ថា​ទាហាន​អា្រហ្វិក​ខាងត្បូង និង​តង់ហ្សានី និង​គ្រឿងសព្វាវុធ​កំពុង​ធ្វើដំណើរ​មក​ដោយ​រំពឹង​ថា នឹង​មក​ដល់​នៅ​សប្តាហ៍​បន្ទាប់​ឯ​ទាហាន​មកពី​ម៉ាឡាវី​នឹង​មក​ដល់​ពេល​ក្រោយ៕ IN

អត្ថបទគួរចាប់អារម្មណ៍