ក្រុងប៉ារីស៖ ក្រសួងមហាផ្ទៃបានថ្លែងកាលពីថ្ងៃចន្ទថា អ្នកធ្វើការផ្នែកសង្គ្រោះបន្ទាន់ ៣ នាក់បានស្លាប់ នៅឧប្បតិ្តហេតុធ្លាក់ឧទ្ធម្ភាគចក្រ នៅក្បែរក្រុងម៉ាកសី នៅពេលបំពេញបេសកកម្មជួយសង្គ្រោះនៅក្នុងប្រទេស បារំាង ភាគខាងត្បូង ដែលរងប៉ះពាល់ដោយសារតែទឹកជំនន់។
នៅក្នុងសេចក្តីថ្លែងការណ៍មួយ លោករដ្ឋមន្ត្រីមហាផ្ទៃ Christophe Castaner និងលេខារបស់លោក គឺលោក Laurent Nunez បានថ្លែងថា ឧទ្ធម្ភាគចក្រ EC145 របស់ពួកគេ បានបាត់បង់ការទាក់ទងតាមវិទ្យុ និងរ៉ាដា ខណៈដែលពេលហោះហើរទៅជួយសង្គ្រោះនៅក្នុងតំបន់វ៉ារកាលពីរាត្រីថ្ងៃអាទិត្យ។ អ្នកទាំង ៣ នាក់នោះ ត្រូវបានគេរកឃើញស្លាប់នៅម៉ោង ១ និង ៣០ នាទីព្រឹក នៅក្បែរទីប្រជុំជនរ៉ូវ។
ការស៊ើបអង្កេតកំពុងដំណើរការ ដើម្បីកំណត់ពីមូលហេតុនៃការធ្លាក់នោះ។
លោក Castaner និងលោក Nunez បានថ្លែងថា៖ «ខណៈថ្ងៃនេះ ប្រទេស បារាំង កំពុងត្រៀមរៀបចំគោរពវិញ្ញាណក្ខន្ធ ដល់ទាហាន ១៣ នាក់ ដែលបានស្លាប់នៅពេលធ្វើការងារសង្គ្រោះនៅ(ប្រទេស ម៉ាលី) ប្រទេសរបស់យើង បានបាត់បង់វីរបុរស ៣ នាក់ ដែលបានពលីជីវិតដើម្បីការពារប្រជាជនបារាំង»៕ AFP/PSA