ឯកអគ្គរដ្ឋទូតចិនប្រចាំនៅសហរដ្ឋអាមេរិកបាននិយាយថា ការចាត់ទុកប្រទេសចិន ជាគូប្រជែងរបស់សហរដ្ឋអាមេរិកគឺជាកំហុសមួយ។ លោក Cui Tiankai បានអះអាងនូវជំហររបស់ប្រទេសចិន ក្នុងការស្វែងរកការសហការដោយសន្តិភាពជាមួយសហរដ្ឋអាមេរិក ព្រមទាំងព្រមានថា មិនត្រូវធ្វើអ្វីដែលប៉ះពាល់ដល់ប្រទេសចិន ហួសហេតុទេ។
ទីក្រុងវ៉ាស៊ីនតោន និងទីក្រុងប៉េកាំង បានប៉ះទង្គិចគ្នាជាញឹកញយជុំវិញបញ្ហានានាចាប់តាំងពីរដ្ឋបាល Trump បានកំណត់ប្រទេសចិនជាគូប្រជែងយុទ្ធសាស្ត្រមួយនៅឆ្នាំ ២០១៨។ ចំណុចនៃការឈ្លោះប្រកែកគ្នាកាន់តែខ្លាំងឡើងរវាងចិន និងសហរដ្ឋអាមេរិកក្នុងអំឡុងរដ្ឋបាល Trump ដែលរួមមានបញ្ហាមួយចំនួនដូចជា ក្រុងហុងកុង តំបន់ភាគខាងលិចស៊ីនជាំង សមុទ្រចិនខាងត្បូង និងកោះតៃវ៉ាន់៕