.jpg)
ក្រុមអ្នកតវ៉ាប៉ាឡេស្ទីនដុតរូបរបស់ប្រធានាធិបតីអាមេរិកមលោកដូណាល់ ត្រាំ នៅក្នុងអំឡុងការជួបគាំទ្រចលនា Fatah នៅក្រុងវេសប៊ែងកាលថ្ងៃទី១៧ខែកក្កដា។ AFP
បុរីញូវយកៈ ឯកអគ្គរដ្ឋទូតប៉ាឡេស្ទីន បានថ្លែងកាលពីថ្ងៃពុធថា អាមេរិកបានដិសេធមិនផ្តល់ទិដ្ឋាការឲ្យមន្ត្រីប៉ាឡេស្ទីន៦រូប ដើម្បីចូលរួមជំនួបកម្រិតខ្ពស់ស្តីពីការអភិវឌ្ឍន៍នៅអង្គការសហប្រជាជាតិនៅក្នុងក្រុងញួវយ៉ក។
មន្ត្រីទាំង៦រូបនោះមកពីការិយាល័យនាយករដ្ឋមន្ត្រីប៉ាឡេស្ទី ត្រូវបង្ហាញរបាយការណ៍មួយស្តីពីកិច្ចប្រឹងប្រែងរបស់ប៉ាឡេស្ទីន ដើម្បីសម្រេចបំណងចំនួន១៧ដែលដាក់ចេញដោយអង្គការសហប្រជាជាតិ ក្នុងគោលបំណងបញ្ចប់ភាពក្រីក្រ និងលើកកម្ពស់វិស័យអប់រំ និងសុខាភិបាល។
លោក Riyad Mansour តំណាងប៉ាឡេស្ទីនប្រចាំនៅអង្គការសហប្រជាជាតិ បានថ្លែងប្រាប់ក្រុមអ្នកកាសែតថា៖«កុងស៊ុលអាមេរិក បានបដិសេធមិនផ្តល់ទិដ្ឋាការឲ្យពួកគេ និងតាមពិតនោះ អ៊ីស្រាអែលដែលក្តោបកាប់អំណាច បានធ្វើឲ្យបញ្ហានេះ មានភាពស្មុគស្មាញ។
អង្គការសហប្រជាជាតិកំពុងរៀបចំវេទិកានយោបាយមួយនៅសប្តាហ៍នេះ ដើម្បីប្រមូលផ្តុំកិច្ចប្រឹងប្រែង ដើម្បីសម្រេចគោលបំណងអភិវឌ្ឍន៍ប្រកបដោយនិរន្តភាពដែលឱសានវាទត្រឹមឆ្នាំ២០៣០៕ PSA
