បុរីញូវយ៉កៈ ឯកអគ្គរដ្ឋទូតប៉ាឡេស្ទីន បានថ្លែងកាលពីថ្ងៃពុធថា អាមេរិកបានដិសេធមិនផ្តល់ទិដ្ឋាការឲ្យមន្ត្រីប៉ាឡេស្ទីន ៦ រូប ដើម្បីចូលរួមជំនួបកម្រិតខ្ពស់ស្តីពីការអភិវឌ្ឍនៅអង្គការសហប្រជាជាតិនៅក្នុងក្រុងញូវយ៉ក។
មន្ត្រីទាំង ៦ រូបនោះ មកពីការិយាល័យនាយករដ្ឋមន្ត្រីប៉ាឡេស្ទីន ត្រូវបង្ហាញរបាយការណ៍មួយស្តីពីកិច្ចប្រឹងប្រែងរបស់ប៉ាឡេស្ទីន ដើម្បីសម្រេចបំណងចំនួន ១៧ ដែលដាក់ចេញដោយអង្គការសហប្រជាជាតិ ក្នុងគោលបំណងបញ្ចប់ភាពក្រីក្រ និងលើកកម្ពស់វិស័យអប់រំ និងសុខាភិបាល។
លោក Riyad Mansour តំណាងប៉ាឡេស្ទីនប្រចាំនៅអង្គការសហប្រជាជាតិ បានថ្លែងប្រាប់ក្រុមអ្នកកាសែតថា៖ «កុងស៊ុលអាមេរិក បានបដិសេធមិនផ្តល់ទិដ្ឋាការឲ្យពួកគេ និងតាមពិតនោះ អ៊ីស្រាអែលដែលក្តោបក្ដាប់អំណាច បានធ្វើឲ្យបញ្ហានេះ មានភាពស្មុគស្មាញ។
អង្គការសហប្រជាជាតិកំពុងរៀបចំវេទិកានយោបាយមួយនៅសប្តាហ៍នេះ ដើម្បីប្រមូលផ្តុំកិច្ចប្រឹងប្រែង ដើម្បីសម្រេចគោលបំណងអភិវឌ្ឍន៍ប្រកបដោយនិរន្តរភាព ដែលឱសានវាទត្រឹមឆ្នាំ ២០៣០។
នៅពេលអវត្តមានមន្ត្រីទាំង៦រូបនោះឯកអគ្គរដ្ឋទូតរូបនេះធ្វើបទបង្ហាញ ក្នុងនាមជាប៉ាឡេស្ទីន ដែលមានឋានៈមិនមែនជាសមាជិកអ្នកសង្កេតការណ៍នៅអង្គការសហប្រជាជាតិនោះ។
លោក Riyad Mansour បានថ្លែងថា ក្រុមអាជ្ញាធរប៉ាឡេស្ទីន បាននិងកំពុងខិតខំប្រឹងប្រែងឲ្យអស់ពីសមត្ថភាពដើម្បីសម្រេចគោលបំណងទាំងនោះ៕