.jpg)
រដ្ឋមន្ត្រីការបរទេសអាមេរិកលោក Mike Pompeo (ស្តាំ) និងលោកស្រី នីកគី ហាលី មកដល់ដើម្បីធ្វើសន្និសីទកាសែតនៅក្រសួងការបរទេស។ AFP
បុរីញូវយ៉កៈ ឯកអគ្គរដ្ឋអាមេរិកលោកស្រី នីក គីហាលី កាលពីថ្ងៃពុធ បានចោទប្រកាន់ក្រុមសិទ្ធិមនុស្សចំពោះការធ្វើឲ្យការជំរុញរបស់អាមេរិក ឲ្យក្រុមប្រឹក្សាសិទ្ធិមនុស្សអង្គការសហប្រជាជាតិធ្វើកំណែទម្រង់ បរាជ័យ និងចូលរួមចំណែកដល់ការធ្វើឲ្យក្រុងវ៉ាស៊ីនតោនសម្រេចចិត្តចាកចេញពីស្ថាប័នមួយនេះ។
នៅក្នុងលិខិតមួយ ដែលត្រូវបានផ្ញើជូនបណ្តាអង្គការក្រៅរដ្ឋាភិបាលនោះ លោកស្រីហាលី បានបញ្ជាក់ថា ពួកគេ បានដើរនាទីគ្មានការស្ថាបនា ដោយបាន បដិសេធមិនគាំទ្រកិច្ចខិតខំប្រឹងប្រែងរបស់អាមេរិកក្នុងការដកបញ្ហាអុីស្រាអែលចេញពីរបៀបវារៈជំនួបនៅក្រុមប្រឹក្សានេះ។
កាលពីថ្ងៃអង្គារ លោកស្រីហាលី បានប្រកាសថា អាមេរិក ចាកចេញពីក្រុមប្រឹក្សាសិទ្ធិមនុស្ស ដោយបានថ្កោលទោសចំពោះភាពមិនស្មោះត្រង់របស់ក្រុមសមាជិករបស់ក្រុមប្រឹក្សានេះ និងតាមការចោទប្រកាន់ ជំរុញឲ្យប្រឆាំងជំទាស់នឹងអ៊ីស្រាអែលឥតឈប់ឈរ។
នៅក្នុងលិខិតដែល AFP បានឃើញនោះ លោកស្រីហាលី បានថ្លែងថា ៖«លោក អ្នក គួរតែដឹងថា កិច្ចប្រឹងប្រែងរបស់លោក អ្នកក្នុងការរារាំងការចរចានានា និងការធ្វើឲ្យកំណែទម្រង់បរាជ័យ គឺជាកត្តារួមចំណែកក្នុងការសម្រេចចិត្តរបស់អាមេរិក ដកខ្លួនចេញពីក្រុមប្រឹក្សាសិទ្ធិមនុស្សនេះ៕ PSA
