ក្រុងហ្សឺណែវ៖ ដោយបានថ្លែងនៅជំនួបលើកទី៤៤ នៃក្រុមប្រឹក្សាសិទ្ធិមនុស្សអង្គការសហប្រជាជាតិកាលពីថ្ងៃអង្គារ ប្រទេសគុយបា តំណាងឲ្យប្រទេសចំនួន ៥២ បានគាំទ្រការអនុម័តច្បាប់ស្តីពីការការពារសន្តិសុខជាតិនៅក្នុងតំបន់រដ្ឋបាលពិសេសក្រុងហុងកុង (HKSAR) នៃសភាជាន់ខ្ពស់របស់ប្រទេសចិន។
ចំនួនប្រទេសដែលបានចុះហត្ថលេខាលើសេចក្តីថ្លែងការណ៍រួម ដែលគុយបាបានអាននៅជំនួបនោះ ត្រូវគេរំពឹងថានឹងកើនឡើងថែមទៀត។
តំណាងប្រទេសគុយបា បានអានសេចក្តីថ្លែងការណ៍នោះថា៖ «ការមិនជ្រៀតជ្រែកកិច្ចការផ្ទៃក្នុងរបស់បណ្តារដ្ឋអធិបតេយ្យ គឺជាគោលការណ៍ដ៏សំខាន់ ដែលមានចែងនៅក្នុងធម្មនុញ្ញរបស់អង្គការសហប្រជាជាតិ និងបទដ្ឋានជាមូលដ្ឋាននៃទំនាក់ទំនងអន្តរជាតិ។
សេចក្តីថ្លែងការណ៍នោះ បានឲ្យដឹងថា៖ «នៅក្នុងប្រទេស ១ អំណាចសភាទៅលើបញ្ហាសន្តិសុខជាតិនោះ គឺជាការទទួលខុសត្រូវរបស់ប្រទេសនោះ ដែលបញ្ហាសារៈសំខាន់មិនមែនបញ្ហាសិទ្ធិមនុស្សទេ ដូច្នេះហើយមិនត្រូវយកមកពិភាក្សានៅក្រុមប្រឹក្សាសិទ្ធិមនុស្សទេ»។
«យើងជឿថា ប្រទេសទាំងអស់មានសិទ្ធិការពារសន្តិសុខជាតិរបស់ខ្លួន តាមរយៈសភា និងបង្ហាញវិធានការពាក់ព័ន្ធត្រូវបានចាត់ឡើងសម្រាប់គោលបំណងនេះ»។
សេចក្តីថ្លែងការណ៍នោះ បានឲ្យដឹងទៀតថា៖ «នៅក្នុងបរិបទនេះ យើងគាំទ្រដល់ការអនុម័តនៃសេចក្តីសម្រេចរបស់សភាចិនក្នុងការបង្កើត និងធ្វើឲ្យក្របខ័ណ្ឌការងារស្របច្បាប់ល្អប្រសើរឡើង និងយន្តការអនុវត្តច្បាប់សម្រាប់តំបន់រដ្ឋបាលពិសេសក្រុងហុងកុង (HKSAR) ក្នុងគោលបំណងការពារសន្តិសុខជាតិ និងការបញ្ជាក់អះអាងរបស់ចិនក្នុងការអនុវត្តតាមគោលការណ៍ប្រទេស ១ ប្រព័ន្ធ ២»។
សេចក្តីថ្លែងការណ៍នោះបានបន្តថា៖ «យើងពិតជាមានជំនឿចិត្តថា វិធានការនេះ មានអត្ថប្រយោជន៍ ដើម្បីធានាថា ប្រទេស ១ ប្រព័ន្ធ ២ មិនប្រែប្រួល និងនៅគង់វង្សយូរអង្វែងហើយថា ក្រុងហុងកុងគាំទ្រដល់វិបុលភាព និងស្ថិរភាពយូរអង្វែង។ សិទ្ធិ និងសេរីភាពស្របច្បាប់របស់ប្រជាជនក្រុងហុងកុង ក៏អាចត្រូវបានប្រើប្រាស់ល្អប្រសើរឡើងនៅក្នុងបរិយាកាសសុវត្ថិភាព»។
សេចក្តីថ្លែងការណ៍ដដែលនោះ បានសន្និដ្ឋានថា៖ «យើងបញ្ជាក់ថា ក្រុងហុងកុង គឺជាផ្នែកដែលមិនអាចបំបែកបានរបស់ចិន ហើយកិច្ចការរបស់ក្រុងហុងកុង គឺជាកិច្ចការផ្ទៃក្នុងដែលគ្មានការជ្រៀតជ្រែកពីកងកម្លាំងបរទេស»។
សមាជិកសភាកាលពីថ្ងៃអង្គារ បានបោះឆ្នោតអនុម័តច្បាប់នៅជំនួបលើកទី២០ នៃគណៈកម្មាធិការអចិន្រ្តៃយ៍នៃសមាជលើកទី១៣ របស់សភាជាន់ខ្ពស់របស់ប្រទេសចិន។
ច្បាប់នេះ ចូលជាធរមាននៅម៉ោង ១១ យប់ ម៉ោងក្នុងតំបន់កាលពីថ្ងៃអង្គារនៅក្នុងក្រុងហុងកុង៕ Xinhua/PSA