.jpg)
ផលិតកម្មនៅប្រទេសចិន បានកើនឡើងក្នុងល្បឿនយឺតជាងការរំពឹងទុកក្នុងខែឧសភា ដោយសារតម្លៃវត្ថុធាតុដើមឡើងថ្លៃ ធ្វើឱ្យពន្យឺតផលិតកម្មឧស្សាហកម្មផងដែរ។
ទិន្នន័យពីការិយាល័យស្ថិតិជាតិចិន (NBS) កាលពីថ្ងៃចន្ទបានបង្ហាញថា សន្ទស្សន៍អ្នកគ្រប់គ្រងការបញ្ជាទិញ (PMI) បានធ្លាក់ចុះដល់ ៥១,០ នៅក្នុងខែឧសភាយ៉ាងណាមិញនៅតែរក្សាកំណើនខ្លួនលើបន្ទាត់ ៥០,០ (បន្ទាត់បង្ហាញពីសញ្ញាណនៃការធ្លាក់ចុះ)។ ក្រុមអ្នកវិភាគបានរំពឹងថា សន្ទស្សន៍ PMI នឹងកើនត្រឹម ៥១,១ នៅក្នុងខែឧសភាពោល គឺនៅទ្រឹងដូចខែមេសា។
ការិយាល័យស្ថិតិ NBS បាននិយាយថាសេដ្ឋកិច្ចរបស់ប្រទេសចិន បានកើនឡើងខ្ពស់បំផុត ១៨,៣ ភាគរយនៅក្នុងត្រីមាសទី១ នៃឆ្នាំ ២០២១ ប៉ុន្តែល្បឿននៃកំណើនផលិតកម្មចិនបានថយចុះនៅក្នុងខែមេសា។ ការផ្គត់ផ្គង់រាំងស្ទះ និងការកើនឡើងថ្លៃដើមវត្ថុធាតុដើមបានធ្វើឱ្យផលិតកម្មនៅទ្រឹងក្នុងខែនេះ៕
